У сацсетцы Maimai — кітайскім аналагу LinkedIn — распаўсюджваецца інфармацыя пра тое, што Xiaomi прымушае супрацоўнікаў моцна перапрацоўваць. Аўтар паста адзначае, што ад іх патрабуюць працаваць мінімум 11,5 гадзін у дзень.
У сацсетцы Maimai — кітайскім аналагу LinkedIn — распаўсюджваецца інфармацыя пра тое, што Xiaomi прымушае супрацоўнікаў моцна перапрацоўваць. Аўтар паста адзначае, што ад іх патрабуюць працаваць мінімум 11,5 гадзін у дзень.
Тыя, у каго паказчык апускаецца ніжэй за 8 гадзін, пішуць тлумачальныя. З тымі, хто раз за разам недапрацоўвае, праводзяць гутаркі, а ў некаторых выпадках просяць сысці.
Такія заявы некалькі супрацоўнікаў Xiaomi пацвердзілі кітайскаму выданню Jiupai News. Паводле іх слоў, у розных падраздзяленнях сітуацыя розная.
Напрыклад, у аддзеле смартфонаў у кожнай каманды ўсталявана свая норма. У адных дзённы мінімум складае 10,5 гадзін, а ў іншых дасягае 14–15 гадзін. У камандзе суразмоўцаў выдання трэба працаваць па 12,5 гадзіны ў дзень. Адзін супрацоўнік кампаніі ў Шанхаі расказаў, што яго аддзел абавязалі працаваць у сярэднім 11,5 гадзіны — з 9 раніцы да 8:30 вечара, а яшчэ адзін, з правінцыі Цзянсу, паведаміў, што іх каманда працуе па 12 гадзін.
Jiupai News піша, што гэтыя патрабаванні фармальна не зафіксаваныя — менеджары даводзяць іх вусна, каб не пакідаць доказаў.
Акрамя таго, супрацоўнікаў караюць, калі яны бяруць выходныя. Нават адзін выходны ў месяц прыводзіць да паніжэння сярэдняга часу працы і можа пацягнуць за сабой дадатковы кантроль. Прадугледжваецца, што супрацоўнікі павінны адпрацоўваць выходныя, застаючыся даўжэй у іншыя дні.
Паводле аднаго з суразмоўцаў Jiupai News, гэта працягваецца ўжо амаль два гады, хоць вядома публіцы стала толькі цяпер.
У супрацоўнікаў на аўтсорсе ўмовы яшчэ больш жорсткія. Адзін падрадчык расказаў, што ў іх аддзеле неабходна строга адпрацоўваць 11 гадзін у дзень, а не ў сярэднім — кожны дзень улічваецца асобна. Калі супрацоўнік адпрацаваў менш, то павінен адпрацоўваць наступнай раніцай. Злосных парушальнікаў без цырымоній звальняюць.
Xiaomi пакуль ніяк не пракаментавала такі рэжым працы.
Рэлацыраваліся? Цяпер вы можаце каментаваць без верыфікацыі акаўнта.
Так вот на кого Барт батрачит из песков))
На Западе о таком могут только мечтать. Там объяснительными не отделаешься.