Кітайскія памежнікі затрымалі жанчыну, якая спрабавала правезці ў краіну 202 працэсары Intel і 9 айфонаў. Яны былі замацаваныя пад накладным жыватом для імітацыі цяжарнасці, піша TechSpot.
Кітайскія памежнікі затрымалі жанчыну, якая спрабавала правезці ў краіну 202 працэсары Intel і 9 айфонаў. Яны былі замацаваныя пад накладным жыватом для імітацыі цяжарнасці, піша TechSpot.
Няўдалая кантрабандыстка праходзіла мяжу паміж тэрыторыяй Макаа і горадам Чжухай у правінцыі Гуандун. Службоўцам мытні падалася ненатуральнай яе пастава для жанчын у «ейным становішчы» на трэцім трыместры — прынамсі так выглядаў жывот. Сама яна сказала, што на 5-6 месяцы.
Пры даглядзе выявіўся фэйкавы жывот і ягонае «жалезнае» начынне, загорнутае блокамі ў плёнку і прылепленае да цела скотчам.
Мяркуючы з фатаграфій знаходак у сацсетках, гэта былі працэсары Alder Lake або Rocket Lake. Айфоны падобныя на чорныя мадэлі iPhone X альбо XS. Агульны кошт прылад можа дасягаць $100 тысяч.
Як адзначае выданне, кантрабанда — частая з’ява ў Кітаі праз высокія імпартныя мыты. Працэсары і тэлефоны падобным чынам на целе спрабавалі правезці і раней. Напрыклад, рэкорд па працэсарах належыць двум дальнабойшчыкам, якія на канцавінах везлі з Ганконга 256 штук, а па смартфонах — мужчыну, які ішоў адтуль жа са 146 айфонамі. Цікава, што пакуль трапляліся кантрабандысты толькі з чыпамі Intel і смартфонамі Apple.
Рэлацыраваліся? Цяпер вы можаце каментаваць без верыфікацыі акаўнта.