Як маюцца 30+ кампаній з беларускімі каранямі ў Літве (добра)

Паглядзелі, якія ІТ-кампаніі з беларускімі каранямі зарэгістраваныя сёння ў Літве (паводле звестак rekvizitai.vz.lt), колькі працуе супрацоўнікаў, які заробак яны атрымліваюць.

Вось так выглядае топ-10 кампаній паводле памеру штату. Як бачым, за вясну-лета і няпоўны верасень колькасць супрацоўнікаў у літоўскіх офісах прыкметна вырасла.

EPAM

• Штат — 1400+ чалавек
• Вакансіі — 186
• Сярэдні заробак за ліпень (брута) — 4658 еўра 

У літоўскім офісе EPAM ужо амаль 1,5 тысячы зарэгістраваных супрацоўнікаў. За вясну-лета і палову верасня каманда вырасла ў 4 разы. Асабліва інтэнсіўна штат EPAM рос у чэрвені-ліпені (амаль 750 чалавек за два месяцы). Верагодна, штат павялічыўся ў асноўным за кошт рэлакантаў з Беларусі і Расіі.

Сярэдні заробак (брута) у ліпені перавысіў 4,6 тысячы еўра. А па выніках першага паўгоддзя EPAM увайшоў у лік найбуйнейшых падаткаплацельшчыкаў Літвы, заплаціўшы ў бюджэт 2,7 мільёна еўра падаткаў. 

Асноўны офіс EPAM знаходзіцца ў Вільні. Мяркуючы з даных rekvizitai.vz.lt, кампанія ўлетку адкрыла другое падраздзяленне — у Коўне. На гэты момант там зарэгістравана 13 супрацоўнікаў.

На сайце EPAM цяпер адкрыта 180+ вакансій у Літве, траціна з іх прапаноўвае працу беспасярэдне ў віленскім офісе.

Wargaming

• Штат — 980+ чалавек 
• Вакансіі — 43
• Сярэдні заробак за ліпень (брута) — 5130 еўра 

Каманда Wargaming у Вільні вырасла за сакавік-верасень больш чым удвая. Цяпер у літоўскім офісе працуе амаль 1000 чалавек. Сюды пераехалі ў тым ліку супрацоўнікі мінскага офіса, пасля таго як кампанія вырашыла закрыць бізнэс у Беларусі і перадаць яго ў лакальнае кіраванне расійскай Lesta Studio.

Сярэдні заробак супрацоўнікаў Wargaming за ліпень перавысіў 5,1 тысячы еўра. Wargaming таксама ўвайшоў у лік найбуйнейшых падаткаплацельшчыкаў Літвы, заплаціўшы ў бюджэт за паўгода 2,3 мільёна еўра падаткаў. 

На сайце Wargaming для працы ў Літве адкрыта больш за ўсё вакансій у параўнанні з іншымі лакацыямі — 40+ (на момант падрыхтоўкі матэрыялу). Для параўнання, для ахвотных працаваць на Кіпры адкрыта 13 вакансій, для працы ў Сербіі — 24 вакансіі. У літоўскі офіс (займаецца распрацоўкай, апераваннем і выданнем гульняў) Wargaming хоча наняць распрацоўшчыкаў, інжынераў, дызайнераў.

Melsoft

• Штат — 275 чалавек
• Вакансіі — 20+
• Сярэдні заробак за ліпень (брута) — 5784 еўра 

Распрацоўшчык гульняў Melsoft інтэнсіўна павялічвае штат літоўскага офіса з красавіка. За гэты перыяд каманда вырасла ўдвая — з 77 (на канец сакавіка) да 275.

На сайце Melsoft размешчана больш за 20 вакансій для працы ў Вільні.

Flo Health

• Штат — 242 чалавекі
• Вакансіі — 10+
• Сярэдні заробак за ліпень (брута) — 5005 еўра 

Распрацоўшчык праграмы для жаночага здароўя ўдвая павялічыў каманду ў Літве за апошнія тры месяцы. Цяпер у віленскім офісе працуе больш за 240 спецыялістаў. 

Сярэдні заробак за ліпень склаў 5 тысяч еўра. 

На сайце кампаніі адкрыта больш за 10 вакансій для працы ў Літве, у асноўным для інжынераў.

Паводле даных кампаніі, у дадатку Flo ўжо больш за 250 мільёнаў карыстальнікаў ва ўсім свеце.

Exadel

• Штат — 64 чалавекі
• Вакансіі — 25+
• Сярэдні заробак за ліпень (брута) — 4479 еўра 

Exadel фактычна не пашыраецца ў Літве. На сёння ў віленскім офісе працуюць 64 зарэгістраваныя супрацоўнікі. За паўгода штат вырас усяго на некалькі чалавек. 

Сярэдні заробак супрацоўнікаў за ліпень ледзь-ледзь не дацягнуў да 4,5 тысяч еўра.

На сайце кампаніі размешчана 27 вакансій для новых супрацоўнікаў, якія сярод прапанаваных лакацый могуць выбраць Літву. Значна больш вакансій для працы ў польскім офісе. Раней кампанія заяўляла, што перанясе цэнтр распрацоўкі з Мінска ў Польшчу.

EIS Group Lietuva

• Штат — 220 чалавек
• Вакансіі — 30
• Сярэдні заробак за ліпень (брута) — 4986 еўра 

За вясну-лета штат EIS Group Lietuva вырас на 30%. Цяпер у офісе кампаніі працуе 220 супрацоўнікаў.

Для працы ў Вільні на сайце кампаніі адкрыта каля 30 вакансій. 

Coherent Solutions

• Штат — 220 чалавек
• Вакансіі — 30
• Сярэдні заробак за ліпень (брута) — 4986 еўра 

Штат Coherent Solutions (матчынская структура ISsoft) за вясну-лета павялічыўся ўдвая — з 67 (на канец лютага) да 132 супрацоўнікаў у верасні. 

На сайце кампанія размясціла 15 вакансій для працы на літоўскі офіс. Coherent Solutions патрэбныя распрацоўшчыкі, інжынеры, дызайнеры.

Softeq Development

• Штат — 117 чалавек
• Вакансіі — 13
• Сярэдні заробак за ліпень (брута) — 4767 еўра 

Пры канцы лютага ў літоўскім офісе Softeq Development працавала 38 супрацоўнікаў. За вясну штат вырас на 20 чалавек, за лета-верасень — яшчэ на 60 чалавек. Цяпер у кампаніі працуе амаль 120 спецыялістаў.

На сайце кампаніі размешчана 13 вакансій для працы на літоўскі офіс, у тым ліку аддалена. Softeq Development патрэбныя распрацоўшчыкі, інжынеры, бізнэс-аналітык, дызайнер.

Gurtam

• Штат — 68 чалавек
• Вакансіі — 20+
• Сярэдні заробак за ліпень (брута) — 10785 еўра 

У офісе Gurtam у Вільні працуе каля 70 спецыялістаў (+58% да лютага).

На сайце кампаніі размешчана больш за 20 вакансій для ахвотных працаваць на літоўскую юрыдычную асобу (у тым ліку аддалена).

У Gurtam самы высокі сярэдні заробак (брута) за ліпень сярод усіх кампаній з беларускімі каранямі ў Літве — больш за 10,5 тысяч еўра. Таксама Gurtam уваходзіць у лік найбуйнейшых падаткаплацельшчыкаў Літвы. Паводле вынікаў паўгоддзя кампанія выплаціла ў літоўскі бюджэт 1,2 мільёна еўра падаткаў. 

Belka Games

• Штат — 69 чалавек
• Вакансіі — 20+
• Сярэдні заробак за ліпень (брута) — 4758 еўра 

Belka Games мінімум год не наймае ў Беларусі. Ахвотным пераехаць даюць магчымасць уладкавацца ў Польшчы, Чарнагорыі і Літве. 

У літоўскім офісе працуе каля 70 супрацоўнікаў. За красавік–верасень штат вырас амаль у тры разы. 

На гэты момант на сайце кампаніі каля 20 вакансій. У апісанні вакансій пазначана, што супрацоўнікі могуць выбраць гнуткі графік працы. Можна хадзіць у офіс у Вільні і Лімасоле або працаваць аддалена.

Між тым, паводле слоў былых супрацоўнікаў, Belka Games аптымізуе штат. У прыватнасці, толькі ў жніўні за адзін раз было звольнена 50+ чалавек, якія працавалі ў Беларусі, Расіі і Літве. Звальненні звязаныя з крызісам у гульнявой індустрыі, лічаць былыя супрацоўнікі.

Godel Technologies Europe

• Штат — 83 чалавекі
• Вакансіі — 16 
• Сярэдні заробак за ліпень (брута) — 3992 еўра 

За лета каманда літоўскага офіса Godel Technologies вырасла ў тры разы — з 26 (на канец мая) да 83 супрацоўнікаў.

На сайце кампаніі для працы ў віленскім офісе адкрыта 16 вакансій. Кампанія шукае бізнэс-аналітыкаў, распрацоўшчыкаў, інжынераў.

Wannaby

• Штат — 23 чалавекі
• Вакансіі — няма даных 
• Сярэдні заробак за ліпень (брута) — 5413 еўра 

Кампанія ўдвая павялічыла штат літоўскага офіса ўвесну (у красавіку-маі), з тых часоў колькасць супрацоўнікаў там амаль не мяняецца. На сайце кампаніі няма даных пра адкрытыя вакансіі. 

Нагадаем, увесну кампанію купіў брытанскі маркетплэйс Farfetch за 29,4 мільёна долараў. А летам стала вядома, што AR-стартап ліквідуе юрыдычную асобу ў Беларусі. Яшчэ ў 2020 годзе СЕО кампаніі Сяргей Архангельскі расказваў dev.by, што кампанія рэлакуе ахвотных. Сёння, мяркуючы з Linkedin, супрацоўнікаў у Мінску не засталося, яны працуюць з Літвы, Польшчы, Кіпра.

IBA Lithuania

• Штат — 45 чалавек
• Вакансіі — няма даных
• Сярэдні заробак за ліпень (брута) — 4166 еўра 

IBA Group адкрыла офіс у Вільні вясной гэтага года. Цяпер штат літоўскай кампаніі налічвае 47 чалавек. 

Раней кампанія заяўляла, што ў штаце літоўскага офіса будуць працаваць як беларускія, так і мясцовыя спецыялісты. У асноўным IBA наймае тэхнічных спецыялістаў: распрацоўшчыкаў, архітэктараў, тэсціроўшчыкаў. Колькасць супрацоўнікаў будзе залежаць ад наяўнасці праектаў і патрабаванняў заказчыкаў, заяўлялі ў кампаніі. Інфармацыю пра адкрытыя вакансіі IBA Group не публікуе. 

ITAG LT

• Штат — 87 чалавек
• Вакансіі — 30+
• Сярэдні заробак за ліпень (брута) — 3816 еўра 

Паводле даных rekvizitai.vz.lt, юрыдычная асоба iTechArt у Літве была зарэгістраваная ў 2021 годзе. Пры канцы мая там афіцыйна налічвалася 3 супрацоўнікі. Толькі за лета штат вырас да 70 чалавек, а за няпоўны верасень да 87. 

Сярэдні заробак за ліпень у літоўскім офісе ніжэйшы за 4 тысяч еўра.

На сайце размешчана больш за 30 вакансій для працы ў Вільні. 

Itransition

• Штат — 29 чалавек
• Вакансіі — 3
• Сярэдні заробак за ліпень (брута) — 3921 еўра 

У Itransition невялікая каманда ў Літве — каля 30 супрацоўнікаў. За гэты год штат колькасна вырас на 13 чалавек. 

На сайце кампаніі адкрыта ўсяго 3 вакансіі для працы ў Літве: Software development (2 вакансіі) і Business analytics and consulting (можна працаваць аддалена).

SaM Solutions

• Штат — 45 чалавек
• Вакансіі — 30
• Сярэдні заробак за ліпень (брута) — 4209 еўра 

Да лютага (уключна) у офісе SaM Solutions было зарэгістравана ўсяго трое супрацоўнікаў. Ужо пры канцы вясны штат вырас да 32 чалавек, а цяпер у камандзе працуе 45 супрацоўнікаў. 

Кампанія размясціла на сайце каля 30 вакансій, у асноўным для распрацоўшчыкаў. 

Apalon

• Штат — 19 чалавек
• Вакансіі — няма даных
• Сярэдні заробак за ліпень (брута) — 7660 еўра 

Мабільны распрацоўшчык Apalon за вясну-лета павялічыў штат літоўскага офіса амаль удвая. Але ў колькасным выражэнні каманда вырасла ўсяго на 9 чалавек. 

Пры гэтым сярэдні заробак у кампаніі адзін з самых высокіх сярод кампаній з беларускімі каранямі. За ліпень ён склаў 7,6 тысячы еўра. 

Akveo

• Штат — 16 чалавек
• Вакансіі — няма даных
• Сярэдні заробак за ліпень (брута) — 3294 еўра 

Akveo захоўвае невялікі штат у Літве. На гэты момант у камандзе ўсяго 16 чалавек. 

Cortlex

• Штат — 15 чалавек
• Вакансіі — 9 
• Сярэдні заробак за ліпень (брута) — 1962 еўра 

Літоўская юрыдычная асоба Cortlex зарэгістраваная даўно, сёння тут працуе 15 чалавек. На сайце размешчана каля 10 вакансій.

LeverX Lithuania

• Штат — 9 чалавек
• Вакансіі — 30+
• Сярэдні заробак за ліпень (брута) — 3256 еўра 

LeverX Group афіцыйна адкрыла офіс у Літве восенню мінулага года. У кампаніі заявілі, што LeverX Lithuania будзе распрацоўваць бізнэс-рашэнні для лічбавай трансфармацыі пад ключ. У штат планавалася наймаць мясцовых спецыялістаў.

На сайце кампаніі размешчана больш за 30 вакансій, у апісанні якіх у пераліку лакацый фігуруе Літва.

Innowise

• Штат — 6 чалавек
• Вакансіі — 24
• Сярэдні заробак за ліпень (брута) — 4164 еўра 

Innowise Group адкрыла офіс у Вільні летась. На сёння ў літоўскай кампаніі працуе 6 супрацоўнікаў.

Сярэдні заробак за ліпень перавысіў 4 тысячы еўра.

На сайце кампаніі размешчана 20+ вакансій для працы ў літоўскім офісе. 

Oxateam LT

• Штат — 2 чалавекі
• Вакансіі — няма даных 

Літоўская юрыдычная асоба Oxagile была зарэгістраваная некалькі месяцаў таму. Пакуль у кампаніі афіцыйна лічацца двое супрацоўнікаў. 

ScienceSoft

• Штат — 1 чалавек
• Вакансіі — 15+ 

ScienceSoft зарэгістравала кампанію ў Вільні ў красавіку гэтага года. Тады ж у кампаніі заявілі, што офіс пакуль на стадыі афармлення як альтэрнатыва латвійскаму офісу: Латвія замарудзіла працэсы афармлення, патрэбная «жывая альтэрнатыва».

На сайце кампаніі больш за 15 вакансій, але без пазначэння канкрэтных лакацый. 

Некалькі юрыдычных асоб з беларускімі каранямі былі зарэгістраваныя ў Літве год і даўжэй, але ў штаце працуе некалькі супрацоўнікаў.

Andersen Soft

• Штат — 6 чалавек
• Вакансіі — няма дакладных даных
• Сярэдні заробак за ліпень (брута) — няма даных 

У Andersen у Літве знаходзіцца офіс продажаў. У верасні там працавала 6 чалавек. На сайце кампаніі размешчана 65 вакансій, але без пазначэння канкрэтных лакацый.

SoftTeco

• Штат — 4 чалавекі
• Вакансіі — 5 

Юрыдычная асоба SoftTeco ў Літве была зарэгістраваная каля года таму. Пакуль у штаце 4 чалавекі. На сайце размешчана 5 вакансій, у апісанні якіх у пераліку лакацый фігуруе Літва.

Neosus

• Штат — 1 чалавек
• Вакансіі — няма даных 

SoftClub EU 

• Штат — 2 чалавекі
• Вакансіі — няма даных 

ZENIA AI 

• Штат — 2 чалавекі
• Вакансіі — няма даных 

У кастрычніку мінулага года офіс у Літве адкрыў AI-стартап Zenia. Гэта расійскі стартап, які пераехаў у Беларусь у 2019 годзе.

EssentOptics Europe 

• Штат — 5 чалавек
• Вакансіі — няма даных 

Yukon Advanced Optics Worldwide

• Штат — 246 чалавек
• Вакансіі — няма даных
• Сярэдні заробак за ліпень (брута) — 2843 еўра 

Таксама мы ўключылі ў спіс вытворцу лічбавай оптыкі Yukon Advanced Optics Worldwide.