Укладкі ў «Правадніку, падказкі і многае іншае: Microsoft выпусціла абнаўленне Windows 11

Перш за ўсё ў «Правадніку» з’явілася падтрымка ўкладак, што спросціць пераход між тэчкамі. У новым раздзеле пад назвай «Выбранае» цяпер можна замацоўваць файлы, якія часта выкарыстоўваюцца. Дзякуючы паглыбленай інтэграцыі OneDrive можна будзе лёгка даведацца, хто нядаўна рэдагаваў або каментаваў агульны файл, а калі спатрэбіцца падзяліцца файлам, то Windows клапатліва прапануе кантакты патэнцыйных атрымальнікаў.

Таксама ў Windows з’явіліся падказкі. Напрыклад, пры выдзяленні тэксту з датай або нумарам сістэма прапануе стварыць падзею ў календары або зрабіць выклік у Teams або Skype.

Панэль задач таксама атрымала новыя опцыі. Па-першае, калі на панэлі скончыцца месца для замацаваных праграм, цэтлікі будуць аўтаматычна перамяшчацца ў дадатковае меню. Па-другое, пры націску на панэль правай кнопкай мышы цяпер ёсць магчымасць перайсці не толькі ў налады, але і непасрэдна ў «Дыспетчар задач».

Акрамя гэтага, палепшаная функцыя Windows Share, якая дазваляе дзяліцца файламі з прыладамі паблізу — цяпер рабіць гэта можна з працоўнага стала, з «Правадніка», праграм «Фотаздымкі», «Нажніцы» і іншых.

У праграме «Фотаздымкі» з’явілася зручная магчымасць сартавання фота і функцыя «Успаміны», якая дазваляе ствараць калекцыі здымкаў агульнай тэматыкі, а таксама інтэграцыя з iCloud для доступу да фотаздымкаў на айфонах.