Як аднавіць перапіску ў Telegram

Перш за ўсё варта адзначыць, што хоць скразное шыфраванне па змоўчанні ў Telegram рэалізаванае толькі ў сакрэтных чатах, месенджар заточаны на абарону інфармацыі карыстальнікаў. Telegram не захоўвае даных на серверах, а паведамленні выдаляюцца адразу пасля адпраўкі. Рэзервовае капіяванне ў ім таксама не прадугледжанае. Акрамя таго, ёсць функцыя самазніштажальных паведамленняў, якія па заканчэнні зададзенага часу будуць бясследна — калі, вядома, ваш суразмоўца не паспеў іх заскрыніць — выдаляцца з чата. Таму вярнуць перапіску, якую вы аднойчы вырашылі выдаліць, будзе складана, але часам магчыма. Цяпер пра ўсё па чарзе.

Як аднавіць чат у Тэлеграме

Telegram — той выпадак, калі «аднавіць выдалены чат» і «аднавіць чат пасля выдалення» — розныя рэчы. На этапе выдалення праграма папярэдзіць, што аднавіць чат будзе немагчыма, і толькі пасля таго, як вы пацвердзіце сур’ёзнасць свайго намеру, пачне сціраць дыялог. У працэсе выдалення ў вас будзе яшчэ роўна 5 секунд, каб перадумаць і націснуць Скасаваць.

Калі зваротны адлік завершыцца, перапіска незваротна знікне — у тым ліку на сінхранізаваных прыладах. Тэлеграму папросту няма адкуль будзе яе аднаўляць — памятаеце, праграма не захоўвае інфармацыі на серверы?

Запасныя варыянты

Варыянт першы

Пры выдаленні чата Telegram прапануе выбраць: выдаліць размову толькі ў сябе або ў абодвух удзельнікаў.

 

 

 

Калі вы выбралі першае, то ўсё не так дрэнна: можна папрасіць суразмоўцу пераслаць вам патрэбныя паведамленні, медыяфайлы і іншыя даныя.

А калі было выбрана другое — або калі так паступіў ваш суразмоўца, зрабіць з гэтым нічога нельга.

Варыянт другі

Каб не страціць перапіскі, якая можа спатрэбіцца ў далейшым, пра яе захаванасць варта паклапаціцца загадзя.

Самы відавочны варыянт — гэта рабіць скрыншоты перапіскі адразу або капіяваць паведамленні ў тэкставы файл (і мультымедыя таксама захоўваць уручную). Таксама можна вылучаць патрэбныя паведамленні і перасылаць сабе ў Абранае — гэты чат заўжды ідзе першым у спісе адрасатаў. Дзякуючы яму многія выкарыстоўваюць Telegram як воблачнае сховішча, а даныя з яго захоўваюцца ў зашыфраваным выглядзе і даступныя ў любы час з любой прылады пасля ўваходу ва ўліковы запіс. Гэта спрацуе, калі ваш суразмоўца не забараніў перасылку сваіх паведамленняў у персанальных наладах.

 

 

 

Значна прасцей — скарыстацца функцыяй экспарту чатаў, якая жыве ў настольнай версіі Telegram. Для гэтага:

• зайдзіце ў патрэбны чат;
• націсніце тры вертыкальныя кропкі ў правым верхнім куце;
• выберыце Экспарт гісторыі чата;
• адзначце даныя для выгрузкі, абмежаванне па памеры файлаў, жаданы фармат і тэчку для захавання перапіскі, а таксама перыяд перапіскі, які цікавіць вас;
• націсніце Экспартаваць.

 

 

 

Усе вашыя паведамленні ў тэкставым выглядзе разам з медыяданымі будуць спампаваныя ў пазначаную тэчку. HTML-файл з перапіскай можна адкрыць у любым браўзеры.

Калі аднавіць паведамленні ў Тэлеграме ніводным са спосабаў не атрымалася, вас могуць суцешыць хаця б фатаграфіі ды іншыя файлы са страчанага дыялогу. Каб атрымаць доступ да іх, пры неабходнасці спампуйце і ўсталюйце з крамы праграм любы файлавы менеджар. Праз яго заходзім у Асноўную памяць — Android — data — org.telegram.messenger — files. Нават калі вы выдалілі ўвесь чат, фота, відэа, малюнкі і дакументы з яго будуць захоўвацца тут, і вы зможаце праглядзець іх.

Павел Дуров рассказал о блокировке «связанных с Белоруссией» каналов в Telegram

По теме

Павел Дуров рассказал о блокировке «связанных с Белоруссией» каналов в Telegram

Telegram разрешил продавать любые никнеймы на аукционе

По теме

Telegram разрешил продавать любые никнеймы на аукционе