Аргентынскі банк Galicia закрыў рахункі часткі беларусаў, расіян і ўкраінцаў. Пра гэта піша РБК са слоў кліентаў банка, якія скардзяцца ў сацсетках і тэматычных групах. Некалькі з іх пацвердзілі выданню гэтую інфармацыю.
Аргентынскі банк Galicia закрыў рахункі часткі беларусаў, расіян і ўкраінцаў. Пра гэта піша РБК са слоў кліентаў банка, якія скардзяцца ў сацсетках і тэматычных групах. Некалькі з іх пацвердзілі выданню гэтую інфармацыю.
Паводле кліентаў, банк пачаў закрываць рахункі з 28 кастрычніка без папярэдняга паведамлення. Прычым абмежаванні закранулі не толькі ўладальнікаў расійскіх пашпартоў, але і тых, хто ўжо атрымаў аргентынскае грамадзянства. Аднак гаворка ідзе не пра ўсіх кліентаў з Беларусі, Украіны і Расіі: некаторым з іх паслугі банка па-ранейшаму дасяжныя.
Банк закрывае рахункі як фізасобаў, так і заробкавыя і карпаратыўныя рахункі. Рахункі перастаюць адлюстроўвацца ў дадатку ў кліентаў, а аперацыі ў іх становяцца недасяжнымі. Зняць грошы з іх можна ў аддзяленні банка.
Прычыны закрыцця рахункаў банк не тлумачыць. Некаторых кліентаў супрацоўнікі банка папярэдзілі, што адкрыць новы рахунак ім нельга.
У адной з тэматычных груп у Telegram, якая аб’ядноўвае пацярпелых, ужо некалькі сотняў чалавек. Кліенты рыхтуюць калектыўны іск да банка.
Galicia — адзін з найбуйнейшых прыватных камерцыйных банкаў Аргентыны, які ўваходзіць у фінансавую групу Grupo Financiero Galicia S.A. На канец 2025 года банк абслугоўваў каля 5,2 млн кліентаў.
Рэлацыраваліся? Цяпер вы можаце каментаваць без верыфікацыі акаўнта.