Айцішніку з Гродна далі 4 гады калоніі

Гродзенскі абласны суд прысудзіў 37-гадовага праграміста з Гродна Аляксандра Яшкіна да чатырох гадоў калоніі агульнага рэжыму, паведамляюць праваабаронцы. 

Яму выставілі абвінавачванне паводле пяці артыкулаў КК, у тым ліку пра паклёп і абразу ў адрас Лукашэнкі, заклікі да гвалтоўнага захопу дзяржаўнай улады, фінансаванне дзейнасці экстрэмісцкага фармавання і інш. У 2020 годзе айцішнік нібыта двойчы пералічыў грошы ў падтрымку затрыманых.

Яшкіна затрымалі ў маі 2023 года. У снежні яго ўнеслі ў спіс «асоб, якія маюць дачыненне да тэрарыстычнай дзейнасці».