Айцішнікі ў Беларусі захоўваюць грошы «пад падушкай», рэлаканты — у замежных банках

Дзе айцішнікі захоўваюць грошы

Рэспандэнты маглі выбіраць некалькі варыянтаў адказаў.

Большасць ІТ-спецыялістаў, якія запоўнілі анкету — каля 63% — не давяраюць розным інструментам ашчаджання і лічаць за лепшае захоўваць грошы «пад падушкай».

Другі па папулярнасці адказ — замежныя банкі. Сёлета 31% рэспандэнтаў пазначылі гэты варыянт.

Беларускім банкам свае грошы давярае толькі чвэрць айцішнікаў. 22% трымае сродкі на бягучых рахунках, 6,3% — на дэпазітах.

Доля тых, каму «няма чаго захоўваць» — каля 6%. Гэты паказчык амаль не змяніўся параўнальна з леташняй анкетай.

Лакацыі

Паглядзелі, дзе лічаць за лепшае захоўваць грошы спецыялісты з ІТ, якія працуюць у Беларусі і ў самых папулярных лакацыях для рэлакантаў — у Польшчы, Грузіі і Літве.

Абсалютная большасць айцішнікаў, якія працуюць у Беларусі, трымаюць грошы «пад падушкай» (72,5%). 40% даверылі свае сродкі беларускім банкам (30% трымаюць на бягучых рахунках, 9,5% — на дэпазітах).

Спецыялісты, якія працуюць у Польшчы і Літве, лічаць за лепшае трымаць грошы ў замежных банках (хутчэй за ўсё мясцовых). Варыянт «пад падушкай» — толькі другі паводле папулярнасці. Пры гэтым чвэрць рэспандэнтаў, якія пераехалі ў Літву, пакуль працягваюць трымаць грошы на рахунках у беларускіх банках. Столькі ж давяраюць неабанкам (Wise, Paysera і інш.). Для параўнання, у Польшчы працэнт такіх айцішнікаў у два разы меншы.

Спецыялісты, якія працуюць у Грузіі, у аднолькавай ступені аддаюць перавагу замежным банкам і захоўванню грошай «пад падушкай».

Валюта

Як і летась, самай папулярнай валютай у якасці інструмента ашчаджання з’яўляецца долар. Яго выбралі 91% + рэспандэнтаў. 

Траціна спецыялістаў з ІТ захоўваюць грошы таксама ў еўра. На трэцім месцы — крыптавалюты (12%).

Беларускі рубель, як і летась, прайграў крыптавалютам. Толькі 5% рэспандэнтаў адказалі, што робяць ашчаджанні ў рублях.

Што яшчэ рэспандэнты расказалі з нагоды практыкі ашчаджанняў:

• «Арэнда кватэры — 250 долараў, крэдыты, камуналка — 250 долараў, сувязь. 274 долары застаецца на ўсе выдаткі, 2 чалавекі + 2 каты. Асабліва не разгуляешся з ашчаджаннямі. А пра падвышэнне хаця б на 100 долараў трэба кленчыць па паўгода і слухаць шаблонны адказ: «Ну вы ж разумееце».
• «Пасля пачатку вайны ва Украіне своечасова пазбавіўся ад еўра». 
• «Увесь заробак з ІТ збіраю на выплату мэтавага накіравання (я доктар)».
• «Трымаю капітал у розных краінах і розных фарматах».
• «Захоўваю грошы ў акцыях кампаній».