Акцыі кампаніі абрынуліся на 6,4%, узначаліўшы падзенне сярод каціровак бігтэху пасля ўвядзення прэзідэнтам Дональдам Трампам найбуйнейшых за стагоддзе мытных пошлін ЗША. Apple мае значныя рызыкі, звязаныя з тарыфамі, з-за свайго ключавога вытворчага цэнтра ў Кітаі.
Акцыі кампаніі абрынуліся на 6,4%, узначаліўшы падзенне сярод каціровак бігтэху пасля ўвядзення прэзідэнтам Дональдам Трампам найбуйнейшых за стагоддзе мытных пошлін ЗША. Apple мае значныя рызыкі, звязаныя з тарыфамі, з-за свайго ключавога вытворчага цэнтра ў Кітаі.
Новыя тарыфы адміністрацыі Трампа дасягаюць 34% для Кітая, што ў суме з ужо абвешчанымі тарыфамі складае 54%. Гэтыя меры ўяўляюць сур’ёзную пагрозу для ланцужка паставак Apple, які завязаны на Кітаі. Тарыфы таксама распаўсюджваюцца на іншыя вытворчыя цэнтры Apple, падрываючы намаганні кампаніі па дыверсіфікацыі пастаўшчыкоў.
Індыя, дзе Apple усё больш вырабляе iPhone і AirPods, абкладаецца 26% узаемным тарыфам. В’етнам, дзе кампанія цяпер вырабляе некаторыя AirPods, iPad, Apple Watch і Mac, сутыкнецца з мытамі у 46%. Малайзія, дзе Apple нарошчвае вытворчасць камп’ютараў Mac, будзе абкладзена 24% тарыфам. Тайланд, дзе кампанія таксама вырабляе некаторыя Mac, атрымае мыты ў 36%. Ірландыя, якая ўваходзіць у ЕС і дзе вырабляецца частка iMac, атрымае 20% тарыф.
Дзеянні адміністрацыі Трампа ўжо прывялі да павышэння эфектыўнай тарыфнай стаўкі ЗША з 2,5% прыкладна да 9,0%, што з’яўляецца самым высокім паказчыкам з часоў Другой сусветнай вайны. Эканамісты UBS адзначаюць, што сітуацыя застаецца нестабільнай, і ў выпадку прымянення дадатковых сектаральных тарыфаў эфектыўная стаўка можа ўзрасці яшчэ на 15 працэнтных пунктаў, дасягнуўшы ўзроўню 20–25%.
Акрамя Apple, іншыя кампаніі таксама сутыкнуліся са зніжэннем: Amazon абрынуўся на 4,8%, Nvidia — на 3%, Tesla — на 3,2%, Meta — на 2,7%, Alphabet — на 2,1%, а Microsoft — на 1,6%. Аналітыкі Bloomberg мяркуюць, што новыя мыты, хутчэй за ўсё, знізяць маржу, бо кампаніі павысяць кошты для кампенсацыі эфекту. Акцыі Apple ужо ўпалі на 11% сёлета пасля росту на 67% у 2024-м.
Падчас першай адміністрацыі Трампа генеральны дырэктар Apple Цім Кук пераканаў прэзідэнта выключыць iPhone і некаторыя іншыя прадукты з-пад дзеяння тарыфаў, сцвярджаючы, што мыты нанясуць шкоду амерыканскай кампаніі і прынясуць выгаду паўднёвакарэйскай Samsung. Застаецца незразумелым, ці будзе Apple вызвалена ад новых тарыфаў, як гэта было ў 2018 годзе.
Рэлацыраваліся? Цяпер вы можаце каментаваць без верыфікацыі акаўнта.
Первый день акции "Канада за 3 дня" идет по плану.
У Илона большой запас плана. На всю администрацию хватит.