Акцыі Arm упалі ніжэй за ўзровень IPO

На таргах у чацвер акцыі Arm таннелі да $49,85, ніжэй за цану размяшчэння ў $51. Пры закрыцці дня курс падняўся да $52,16. На мінулым тыдні каціроўкі кампаніі ўзляцелі на 25%.

Як адзначае выданне, першапачатковаму поспеху Arm надавалі важнае значэнне, паколькі ён разглядаўся як сігнал гатоўнасці рынку да новых размяшчэнняў. Аналітыкі паверылі ў перспектывы Arm на фоне буму ў галіне штучнага інтэлекту. Тым не менш скептыкі лічаць, што бізнэс Arm занадта моцна завязаны на сегмент чыпаў для смартфонаў. А гэты рынак цяпер перажывае не найлепшыя часы.