Акцыі EPAM адстаюць ад амерыканскага ІТ-сектара
Рынкавая капіталізацыя EPAM складае $9,5 млрд, што адлюстроўвае значны маштаб і ўплыў кампаніі ў індустрыі ІТ-паслуг. Сярод яе кліентаў — большасць карпарацый Forbes Global 2000.
Аднак зараз акцыі кампаніі гандлююцца на 35,8% ніжэй за свой 52-тыднёвы максімум у $269, дасягнуты 18 лютага. За апошнія тры месяцы каштоўныя паперы EPAM патаннелі на 3,1%, у той час як індэкс Technology Select Sector SPDR Fund (XLK) вырас на 13,6%, піша Yahoo Finance.
XLK — адзін з самых вядомых біржавых інвестыцыйных фондаў (ETF) у ЗША, які адсочвае тэхналагічныя кампаніі S&P 500. У яго ўваходзяць Apple, Microsoft, NVIDIA, Broadcom, Adobe і іншыя. Індэкс расце разам з тэхсектарам ЗША. Калі кампанія адстае ад XLK, значыць, яна выглядае слабей за рынак.
З пачатку года да 25 чэрвеня акцыі EPAM упалі на 26,1%, тады як XLK вырас на 6,3%. За апошнія 52 тыдні паперы EPAM упалі на 5,7%, а XLK вырас на 11,2%.
З канца лютага акцыі EPAM гандлююцца ніжэй за сваю 200-дзённую слізготную сярэднюю, аднак з пачатку мая пераважна знаходзяцца вышэй за 50-дзённую слізгаючаю сярэднюю.
8 мая акцыі EPAM выраслі больш чым на 12% пасля публікацыі фінансавых вынікаў за 1 квартал. Выручка кампаніі склала $1,3 млрд, перавысіўшы прагнозы Уол-стрыт ($1,28 млрд). Акрамя таго, скарэктаваны прыбытак на акцыю (EPS) склаў $1,74, што на 7,4% вышэй за кансэнсус-прагноз аналітыкаў.
Па сукупнай ацэнцы 17 аналітыкаў, акцыі рэкамендаваны да пакупкі, але без моцнага энтузіязму — прагноз, хутчэй, асцярожна-пазітыўны. Іх сярэдні мэтавы курс — $218,12, што прадугледжвае патэнцыйны рост на 26,3% у параўнанні з бягучымі ўзроўнямі.
На момант выхаду артыкула 27 чэрвеня акцыі EPAM гандлююцца па $174.
Читать на dev.by