Акцыі найбуйнейшых ІТ-кампаній Індыі знізіліся больш чым на 3% на таргах у панядзелак, паведамляе Forbes. На выходных напярэдадні прэзідэнт ЗША Дональд Трамп увёў пошліну ў $100 тысяч для замежных супрацоўнікаў, якія жадаюць працаваць у краіне па візе H-1B.
Акцыі найбуйнейшых ІТ-кампаній Індыі знізіліся больш чым на 3% на таргах у панядзелак, паведамляе Forbes. На выходных напярэдадні прэзідэнт ЗША Дональд Трамп увёў пошліну ў $100 тысяч для замежных супрацоўнікаў, якія жадаюць працаваць у краіне па візе H-1B.
Акцыі найбуйнейшай па рынкавай капіталізацыі айцішнай кампаніі Індыі — Tata Consultancy Services — апусціліся на 3,1%. Infosys патаннела на 3,2%, HCLTech — на 1,9%, Tech Mahindra і Wipro — на 3,6% і 2,3% адпаведна.
Індэкс SENSEX Бамбейскай фондавай біржы знізіўся на 0,26%, а тэхналагічны індэкс Nifty IT упаў больш чым на 3%. Дзевяць з дзесяці ўваходзячых у яго кампаній паказалі зніжэнне.
Таксама на прэмаркеце злёгку праселі каціроўкі амерыканскіх тэхнагігантаў, якія актыўна наймаюць супрацоўнікаў за мяжой, уключаючы Google, Meta і Microsoft.
Як адзначае Reuters, індыйскі ІТ-сектар атрымлівае ў ЗША 57% даходаў і ўжо вельмі доўгі час зарабляе на амерыканскіх візавых праграмах і аўтсорсінгу айцішных і дзелавых паслуг. На выхадцаў з Індыі прыйшоўся 71% з прыкладна 400 тысяч віз H-1B, выдадзеных у 2024 годзе.
Рэлацыраваліся? Цяпер вы можаце каментаваць без верыфікацыі акаўнта.