Аддзел навін 29 лістапада 2022, 14:41

Альфа-Банк падзяліўся статыстыкай пераказаў. У лідарах Польшча, Грузія і Казахстан

Альфа-Банк Беларусь расказаў пра напрамкі P2P-пераказаў (пераказы з карты на карту), якія здзяйсняюць кліенты банка ад пачатку 2022 года.

Пакінуць каментарый

Альфа-Банк Беларусь расказаў пра напрамкі P2P-пераказаў (пераказы з карты на карту), якія здзяйсняюць кліенты банка ад пачатку 2022 года.

Пераказы з-за мяжы ў Беларусь

З-за мяжы ў Беларусь ад студзеня да кастрычніка здзейснена 9828 пераказаў.

Часцей за ўсё за тры месяцы (жнівень-кастрычнік) кліенты беларускага банка высылалі грошы з Грузіі — 1577 пераказаў. Далей ідуць Польшча (808), Літва (730) і Германія (100).

Пераказы з Беларусі за мяжу

Колькасць пераказаў у зваротным напрамку — з Беларусі за мяжу — большая ў 10 разоў. Ад студзеня да кастрычніка кліенты Альфа-Банка зрабілі 100 169 такіх пераказаў. Іх колькасць значна ўпала пры канцы лета — на жнівень-кастрычнік прыпадае ўсяго 13 678 пераказаў.

У перыяд ад жніўня да кастрычніка часцей за ўсё грошы адпраўлялі ў Польшчу (3219 пераказаў), Казахстан (2751), Грузію (1960) і Турцыю (1148).

Самая папулярная валюта P2P-пераказаў — долар.

У адрозненне ад SWIFT-пераказаў, пераказы з карты на карту здзяйсняюцца наўпрост паміж двума банкамі без удзелу банкаў-карэспандэнтаў.

У Альфа-Банку рэкамендуюць кліентам карыстацца P2P-пераказамі. На гэты момант SWIFT-пераказы працуюць толькі ў еўра праз польскі банк PKO, растлумачылі dev.by у прэс-службе Альфа-Банка.