У Alphabet ёсць інкубатар эксперыментальных праектаў X, і аднаму з іх карпарацыя вырашыла даць больш самастойнасці, паведамляе Financial Times. Стартап Taara забяспечвае шырокапалосны доступ у інтэрнэт з дапамогай лазера ў аддаленых рэгіёнах.
У Alphabet ёсць інкубатар эксперыментальных праектаў X, і аднаму з іх карпарацыя вырашыла даць больш самастойнасці, паведамляе Financial Times. Стартап Taara забяспечвае шырокапалосны доступ у інтэрнэт з дапамогай лазера ў аддаленых рэгіёнах.
Асновай для Taara стаў праект Loon па распаўсюджванні інтэрнэту з паветраных шароў, які быў закрыты ў 2021 годзе. Сістэма датчыкаў, оптыкі і люстэркаў дазваляе перадаваць дадзеныя з хуткасцю 20 Гбіт/с паміж тэрміналамі на адлегласці да 20 км, замяняючы аптавалакновыя лініі і забяспечваючы сувязь з меншымі выдаткамі.
Стартап базуецца ў Санівейле недалёка ад штаб-кватэры Google. У ім працуюць больш за 20 супрацоўнікаў, і кампанія актыўна набірае новых спецыялістаў. У стартап уклаў сродкі фонд Series X Capital, за Alphabet захоўваецца мінарытарная доля. Падрабязнасці пра аб’ёмы інвестыцый і фінансавыя мэты кампанія не раскрывае. Taara ўжо працуе ў 12 краінах, уключаючы Індыю і ДР Конга.
У планах стартапа — стварыць мініяцюрны крэмній-фатонны чып, які заменіць грувасткія люстэркі і лінзы тэрміналаў і забяспечыць магчымасць некалькіх падлучэнняў да адной крыніцы. У перспектыве лазерная тэхналогія LiFi можа стаць заменай радыёсувязі WiFi ў офісах.
Да маштабаў Starlink, які ўжо вывеў на арбіту 7 тысяч інтэрнэт-спадарожнікаў і, паводле некаторых ацэнак, згенераваў летась $9,3 млрд, стартапу яшчэ вельмі далёка. Але адзначаецца, што ў тэхналогіі Taara ёсць шмат пераваг перад Starlink, які выкарыстоўвае радыёсігналы для перадачы дадзеных з абмежаванай прапускной здольнасцю — гэта значыць, чым больш карыстальнікаў у рэгіёне, тым ніжэйшая хуткасць злучэння. Тэрміналы Taara можна ўсталяваць на слупах, дрэвах або будынках усяго за некалькі гадзін без неабходнасці забруджваць касмічную прастору і змагацца за абмежаваныя радыёчастотныя дыяпазоны.
У адрозненне ад кампаніі Ілана Маска, якая прадае паслугу наўпрост спажыўцам, Taara супрацоўнічае з буйнымі тэлекамунікацыйнымі аператарамі, такімі як Bharti Airtel і T-Mobile, пашыраючы іх ахоп на рэгіёны, куды правесці аптавалакно немагчыма або немэтазгодна.
Рэлацыраваліся? Цяпер вы можаце каментаваць без верыфікацыі акаўнта.