Летась толькі траціна новых супрацоўнікаў Amazon пратрымалася на працы больш за тры месяцы, перш чым звольніцца самім або быць звольненымі. Дакументы, у якіх расказваецца пра праблемы маркетплэйса з утрыманнем працаўнікоў, патрапілі ў распараджэнне Engadget.
Летась толькі траціна новых супрацоўнікаў Amazon пратрымалася на працы больш за тры месяцы, перш чым звольніцца самім або быць звольненымі. Дакументы, у якіх расказваецца пра праблемы маркетплэйса з утрыманнем працаўнікоў, патрапілі ў распараджэнне Engadget.
Паводле ацэнак самой кампаніі, такі кругазварот персаналу штогод прыносіць ёй страты амаль на $8 млрд. Для параўнання, прыбытак Amazon за 2021 год склаў $33,4 млрд.
Сярод атрыманых выданнем дакументаў — унутраныя даследаванні, прэзентацыі і табліцы Amazon. З іх вынікае, што працаўнікі ў два разы часцей сыходзяць на ўласнае жаданне, чым іх звальняе або скарачае кампанія. Прычым праблема назіраецца на ўсіх 10 узроўнях карпаратыўнай лесвіцы Amazon ад складскіх працоўных да віцэ-прэзідэнтаў. Паказчык адтоку кадраў адрозніваецца па ўзроўнях: мінімальны складае 70%, максімальны перавальвае за 80%.
Той факт, што на складах Amazon цякучасць кадраў значна вышэйшая, чым у сярэднім па галіне, сам сабою не новы. New York Times пісаў, што кожны тыдзень кампанія губляе каля 3% працоўных на пагадзіннай аплаце, а Recode даведаўся, што ў кампаніі баяцца, што праз некалькі гадоў папросту не застанецца людзей, якія хацелі б працаваць у Amazon.
Пра нечалавечыя ўмовы працы, праз якія сыходзяць супрацоўнікі ў нізах — працоўныя і кур’еры — вядома даўно. Як адзначае Engadget, людзей на менеджарскіх пазіцыях да такога рашэння падштурхоўваюць праблемы з прафесійным развіццём і кар’ерным ростам. Збольшага гэта звязана з карпаратыўнымі адукацыйнымі праграмамі Amazon, важнымі для прасоўвання — паводле паведамленняў, яны маюць сумніўную якасць і з эканамічнага пункту гледжання для самой кампаніі, хутчэй, немэтазгодныя.
Рэлацыраваліся? Цяпер вы можаце каментаваць без верыфікацыі акаўнта.