Алеся Чапкевич world 17 снежня 2025, 21:08

Amazon праводзіць рэкордныя скарачэнні ў сваёй еўрапейскай штаб-кватэры

У кастрычніку Amazon абвесціла, што скароціць 14 тысяч супрацоўнікаў. Працу згубяць у тым ліку людзі ў яе еўрапейскай штаб-кватэры ў Люксембургу, піша Bloomberg.

Пакінуць каментарый

Amazon праводзіць рэкордныя скарачэнні ў сваёй еўрапейскай штаб-кватэры

У кастрычніку Amazon абвесціла, што скароціць 14 тысяч супрацоўнікаў. Працу згубяць у тым ліку людзі ў яе еўрапейскай штаб-кватэры ў Люксембургу, піша Bloomberg.

Кампанія плануе звольніць тут 8,5% свайго штату — 370 працаўнікоў. Гэта найбуйнейшыя скарачэнні ў краіне за апошнія 20 гадоў. Усяго ў Люксембургу жыве 680 тысяч чалавек.

Amazon пашырала сваю прысутнасць тут з 2003 года дзякуючы выгаднаму падатковаму рэжыму. І нават пасля звальненняў застанецца пятым па велічыні працадаўцам у краіне.

Прычым першапачаткова планавалася скараціць 470 чалавек, але пасля двухтыднёвых перамоваў з прадстаўнікамі супрацоўнікаў, абавязковых па еўрапейскім заканадаўстве, лічбу ўдалося знізіць. Большасць з тых, хто будзе звольнены, паведамяць пра гэта ў лютым.

У нататцы для супрацоўнікаў ад 12 снежня Amazon напісала, што скарачэнні звязаны з пераўтварэннямі, якіх патрабуюць патрэбы яе бізнесу і лакальная стратэгія. І падкрэсліла, што кампенсацыя, якую атрымаюць тыя, хто трапіў пад скарачэнні, перавышае стандарты галіны.

Асабліва цяжка прыйдзецца замежнікам, якія працуюць на Amazon у Люксембургу і будуць звольнены. Каб працягваць жыць тут, звольненым выхадцам з Індыі, ЗША, Аўстраліі, Егіпта, Туніса і іншых краін трэба будзе паспець знайсці новую працу за тры месяцы. Для тых, каму хацелася працаваць менавіта ў бігтэху, альтэрнатыў Amazon у краіне няма.