Аддзел навін 25 чэрвеня 2024, 12:22

Amazon таемна распрацоўвае «забойцу ChatGPT»

Amazon працуе над чат-ботам, які будзе прамым канкурэнтам Chatgpt ад OpenAI, даведаўся Business Insider.

Кодавае імя праекта «Metis», мяркуючы з усяго, з’яўляецца адсылкай да старажытнагрэцкай багіні мудрасці Метыды. Як і іншыя АІ-асістэнты, новы сэрвіс будзе даступны праз браўзер. У яго аснове ляжыць хатняя АІ-мадэль Amazon пад назвай Olympus — яна магутнейшая за іншую, агульнадаступную мадэль кампаніі Titan, якая лічыцца слабейшай за канкурэнтаў. Metis зможа выдаваць адказы ў выглядзе тэксту і малюнкаў у дыялогавым рэжыме са спасылкамі на крыніцы, падказваць рэлевантныя запыты і генераваць карцінкі.

У аснове чат-бота ляжыць тэхналогія генерацыі з дапоўненай выбаркай (retrieval-augmented generation), то-бок Metis зможа звяртацца да інфармацыі па-за межамі навучальных даных Olympus. Дзякуючы гэтаму адказы чат-бота, у адрозненне ад канкурэнтаў, будуць больш актуальныя — напрыклад, ён зможа выдаваць бягучыя каціроўкі акцый. Таксама Metis зможа выконваць ролю АІ-памочніка, здольнага аўтаматызаваць і выконваць складаныя задачы на аснове атрыманых даных. Напрыклад, яго можна будзе папрасіць распланаваць адпачынак, зарэзерваваць авіябілет або ўключыць святло.

Amazon просит сотрудников заводить аккаунты на GitHub чтобы быстрее собирать код для тренировки ИИ-моделей

Metis распрацоўваецца ўнутры каманды Amazon AGI, якой кіруе вядучы навуковец і старэйшы віцэ-прэзідэнт кампаніі Рахіт Прасад. Каманда падпарадкоўваецца напрамую СЕО Amazon Эндзі Джэсі і займаецца самымі амбіцыйнымі АІ-мадэлямі тэхнагіганта. Непасрэдна праект Metis вядзе віцэ-прэзідэнт па АІ Вішал Шарма. На праект было пераведзена шмат супрацоўнікаў АІ-каманды Alexa.

Amazon ужо мае Q чат-бот, але ён арыентаваны на карпаратыўных кліентаў, і водгукі аб ім змешаныя. Каментаваць Metis у кампаніі адмовіліся. Рэліз навінкі, паводле слоў крыніц BI, можа адбыцца ў верасні, але можа і зацягнуцца.

Google таксама спрабавала зрабіць «забойцу ChatGPT», але пакуль не атрымалася.