world 29 красавіка 2025, 16:09

Amazon запусціла першую партыю спадарожнікаў-канкурэнтаў Starlink

Увечары ў панядзелак, 28 красавіка, Amazon адправіла на арбіту першую партыю спадарожнікаў Kuiper для фірменнага інтэрнэт-сэрвісу, паведамляе CNBC.

Пакінуць каментарый

Amazon запусціла першую партыю спадарожнікаў-канкурэнтаў Starlink

Увечары ў панядзелак, 28 красавіка, Amazon адправіла на арбіту першую партыю спадарожнікаў Kuiper для фірменнага інтэрнэт-сэрвісу, паведамляе CNBC.

27 апаратаў на борце ракеты United Launch Alliance стартавалі да мэты з мыса Канаверал у Фларыдзе, а 19-й гадзіне па ўсходнім часе з другой спробы. Папярэдняя спроба была адкладзеная з-за надвор’я.

Пра планы стварыць уласную сетку нізкаарбітальных спадарожнікаў для распаўсюду інтэрнэту тэхнагігант абвясціў шэсць гадоў таму. Сэрвіс стане прамым канкурэнтам Starlink Ілана Маска, які ўжо налічвае 8 тысяч спадарожнікаў.

Amazon мае намер запусціць палову ўсяго запланаванага парку спадарожнікаў — 1618 штук — да ліпеня 2026 года. Ужо забраніравана больш за 80 пускаў, і спадарожнікі будуць выводзіцца на арбіту дзясяткамі. Акрамя United Launch Alliance, запускам будуць займацца еўрапейская кампанія Arianespace, касмічны стартап Джефа Безаса Blue Origin, а таксама SpaceX, якой належыць Starlink.

Выдаткі Amazon на будаўніцтва сеткі інтэрнэт-спадарожнікаў Kuiper ацэньваюцца ў $10 млрд. Пачаць аказваць паслугі прыватным і карпаратыўным кліентам плануецца ўжо ў гэтым годзе.