Аддзел навін 23 жніўня 2024, 15:51

Амерыканец узламаў урадавыя базы і інсцэніраваў сваю смерць, каб не плаціць аліментаў

Жыхару штата Кентукі прысудзілі амаль 7 гадоў турмы за ўзлом дзяржаўных рэестраў — так ён хацеў пазбегнуць выплаты $116 тысяч аліментаў.

1 каментарый

Амерыканец узламаў урадавыя базы і інсцэніраваў сваю смерць, каб не плаціць аліментаў

Жыхару штата Кентукі прысудзілі амаль 7 гадоў турмы за ўзлом дзяржаўных рэестраў — так ён хацеў пазбегнуць выплаты $116 тысяч аліментаў.

У студзені 2023 года 39-гадовы Джэсі Кіпф узламаў урадавыя базы даных, выкарыстаўшы выкрадзеныя ўліковыя даныя доктара з іншага штата, і зрабіў сабе пасведчанне аб смерці.

Пасля гэтага Кіпф абзавёўся падробленым нумарам сацстрахавання і працягнуў жыць пад іншым імем. Таксама ён прадаваў выкрадзеную прыватную інфармацыю пакупнікам з-за мяжы, у прыватнасці, з Алжыра, Расіі і Украіны. Яго дзейнасць закранала сеткі Гаваяў, Арызоны, Вермонта і буйных гасцінічных сетак.

Кіпф прысуджаны да 6 гадоў і 9 месяцаў зняволення за камп’ютарнае махлярства і крадзеж асабістых даных. Ён таксама мае выплаціць амаль $196 тысяч, з якіх $116 тысяч — аліменты, а астатняе — кампенсацыя шкоды ўрадавым і карпаратыўным сістэмам.

Адвакат Кіпфа заявіў, што яны з кліентам паважаюць рашэнне суда. Ён дадаў, што Кіпф пакутаваў псіхалагічнымі траўмамі пасля службы ў войску, што прывяло да яго злачынных паводзінаў.