Камандуючы 8-й арміяй ЗША ў Паўднёвай Карэі генерал-маёр Уільям Тэйлар распавёў, што актыўна выкарыстоўвае чат-ботаў, каб палепшыць свае рашэнні — але не на полі бою, а ў камандаванні і штодзённай працы.
Камандуючы 8-й арміяй ЗША ў Паўднёвай Карэі генерал-маёр Уільям Тэйлар распавёў, што актыўна выкарыстоўвае чат-ботаў, каб палепшыць свае рашэнні — але не на полі бою, а ў камандаванні і штодзённай працы.
Падчас круглага стала з журналістамі на штогадовай канферэнцыі Асацыяцыі арміі ЗША ў Вашынгтоне ён пажартаваў, што «апошнім часам вельмі зблізіўся» з «чатам», піша Business Insider.
Паводле слоў вайскоўца, ён эксперыментуе са стварэннем мадэляў і з дапамогай тэхналогіі спрабуе зразумець, як прымае ваенныя і кадравыя рашэнні, якія ўплываюць не толькі на яго, але і на тысячы падначаленых салдат. Пры гэтым генерал прызнае, што найцяжэй для яго — паспяваць за хуткасцю, з якой развіваецца тэхналогія.
«Як камандзір, я хачу, каб мае рашэнні былі лепшыя. Хачу быць упэўнены, што раблю іх своечасова, каб захаваць перавагу, — сказаў Тэйлар.
Futurism адзначае, што гэта даволі нечаканая заява з улікам галюцынацый у чат-ботаў і таго, што яны надаюць большае значэнне ўцягванню карыстальнікаў, часта падыгрываючы ў адказах на шкоду іх якасці і дакладнасці.
Рэлацыраваліся? Цяпер вы можаце каментаваць без верыфікацыі акаўнта.