Амерыканскі вытворца чыпаў Micron абвясціў, што ягоныя супрацоўнікі на Тайвані па выніках 2026 фінансавага года атрымаюць бонусы, эквівалентныя ад 35 да 68 месячных акладаў. Мінімальная агульная грашовая прэмія складзе 1,7 млн тайваньскіх долараў ($53,8 тысячы). Кампанія пайшла на такі крок на фоне канфлікту з мясцовымі прафсаюзамі, паведамляе Reuters.
Амерыканскі вытворца чыпаў Micron абвясціў, што ягоныя супрацоўнікі на Тайвані па выніках 2026 фінансавага года атрымаюць бонусы, эквівалентныя ад 35 да 68 месячных акладаў. Мінімальная агульная грашовая прэмія складзе 1,7 млн тайваньскіх долараў ($53,8 тысячы). Кампанія пайшла на такі крок на фоне канфлікту з мясцовымі прафсаюзамі, паведамляе Reuters.
Micron заявіла, што бягучыя выплаты сталі найбуйнейшымі за ўсю яе гісторыю. У цэлым узнагароджанні за 2026 фінансавы год атрымаюць больш за 60 тысяч супрацоўнікаў па ўсім свеце, бо год завяршыўся з «выдатнымі вынікамі».
Напярэдадні прафсаюзы, якія прадстаўляюць каля дзвюх трацін супрацоўнікаў Micron на Тайвані, заявілі, што людзі цалкам гатовы пачаць забастоўку. Прафсаюз горада Таоюань у пятніцу адзначыў, што кансенсус з кіраўніцтвам так і не знойдзены. Работнікі дамагаюцца змены сістэмы прэміравання і патрабуюць накіроўваць 15% аперацыйнага прыбытку кампаніі на бонусы персаналу. У прафсаюзе падкрэслілі, што калі кампанія не выканае гэтыя патрабаванні, перспектыва забастоўкі будзе станавіцца ўсё больш рэальнай.
Пакет выплат уключае фіксаваны аднаразовы грашовы бонус за 2026 фінансавы год у памеры 1 млн тайваньскіх долараў ($31,6 тысячы) для ўсіх тайваньскіх супрацоўнікаў, прынятых на працу да 29 жніўня 2025 года. Для інжынераў пачатковага ўзроўню агульны памер узнагароджання складзе ў сярэднім 3,4 млн тайваньскіх долараў. З гэтай сумы каля 2,9 млн будзе выплачана наяўнымі, а астатняе — акцыямі кампаніі па кошце на момант гранту. Акрамя таго, Micron абяцала зрабіць штогадовую выдачу акцый абавязковай для кожнага работніка.
На Тайвані — адным з ключавых вытворчых вузлоў Micron — працуе каля 15 тысяч чалавек. Сукупныя інвестыцыі кампаніі ў эканоміку вострава ўжо перавысілі 1,6 трлн тайваньскіх долараў.
Раней выдаць бонусы супрацоўнікам на фоне звышпрыбыткаў, каб не давесці людзей да забастовак, вырашыла паўднёвакарэйская Samsung.
Рэлацыраваліся? Цяпер вы можаце каментаваць без верыфікацыі акаўнта.