Супрацоўнікі з досведам кіравання людзьмі лепш даюць рады з ШІ-агентамі, чым спецыялісты без такога досведу, лічыць сузаснавальнік і генеральны дырэктар Daytona Іван Буразін.
Супрацоўнікі з досведам кіравання людзьмі лепш даюць рады з ШІ-агентамі, чым спецыялісты без такога досведу, лічыць сузаснавальнік і генеральны дырэктар Daytona Іван Буразін.
У Daytona працуюць каля 30 чалавек, у тым ліку 16 інжынераў. Кожны з іх у сярэднім адначасова выкарыстоўвае па пяць ШІ-агентаў, а код уручную ў кампаніі ўжо ніхто не піша.
«Мы выявілі, што людзі, якія ўмеюць кіраваць іншымі і разумеюць, як растлумачыць, чаго яны хочуць — якімі павінны быць зыходныя дадзеныя і вынік, — значна лепш кіруюць агентамі», — расказаў бізнесмен Business Insider.
Распрацоўшчыкі без досведу кіраўніка, нават вельмі моцныя тэхнічна, часцей сыходзяць з таго, што суразмоўца — або ШІ — сам зразумее іхны намер. Калі гэтага не адбываецца, яны хутчэй раздражняюцца. Паводле Буразіна, такія спецыялісты радзей фармулююць задачу ў духу: «Вось чаго я хачу. Вось як, на маю думку, гэта трэба зрабіць і якім павінен быць вынік».
Пры гэтым ён не лічыць, што кампаніі патрэбны менеджары, якія займаюцца толькі кіраваннем. Кіраўнікі без практычных тэхнічных навыкаў, на ягоную думку, таксама мала карысныя: менеджары павінны працягваць непасрэдна ўдзельнічаць у працы.
Daytona развівае інфраструктуру ізаляваных асяроддзяў, у якіх кампаніі могуць запускаць ШІ-агентаў і створаны імі код. Буразін кажа, што выкарыстанне некалькіх агентаў дапамагае кампаніі захоўваць невялікую каманду і павольней наймаць новых супрацоўнікаў.
«Агенты дапамагаюць, таму што чалавечыя каманды могуць заставацца невялікімі, камунікацый становіцца менш, і вы можаце працягваць рухацца хутка», — лічыць прадпрымальнік.
Рэлацыраваліся? Цяпер вы можаце каментаваць без верыфікацыі акаўнта.