Кампанія часова павялічвае лiмiты выкарыстання свайго чат-бота Claude. На працягу двух тыдняў (з 13 па 27 сакавіка) карыстальнікі змогуць адпраўляць удвая больш паведамленняў у перыяды нізкай нагрузкі на сэрвіс.
Кампанія часова павялічвае лiмiты выкарыстання свайго чат-бота Claude. На працягу двух тыдняў (з 13 па 27 сакавіка) карыстальнікі змогуць адпраўляць удвая больш паведамленняў у перыяды нізкай нагрузкі на сэрвіс.
Акцыя распаўсюджваецца на карыстальнікаў тарыфаў Free, Pro, Max і Team і дзейнічае аўтаматычна: ніякіх дадатковых налад уключаць не трэба. Падвоеныя лiмiты даступныя на працягу пяцігадзіннага «слізгальнага акна» у непікавыя гадзіны — у будныя дні па-за прамежкам з 8:00 да 14:00 па ўсходнім часе ЗША. У выхадныя павышаныя лiмiты дзейнічаюць кругласуткава.
У кампаніі заявілі, што акцыя — гэта «невялікая падзяка ўсім, хто карыстаецца Claude», на фоне рэзкага росту папулярнасці чат-бота. Павышаныя лiмiты працуюць на ўсіх платформах і інтэграцыях, уключаючы вэб-версію, дэсктоп і мабільныя аплікацыі, а таксама інструменты Claude Code, Claude для Excel і PowerPoint. Выключэннем застаюцца карпаратыўныя карыстальнікі тарыфа Enterprise.
Раней Anthropic ужо праводзіла падобныя акцыі, аднак сённяшняя ініцыятыва ахоплівае больш шырокую аўдыторыю. Пасля завяршэння кампаніі лiмiты аўтаматычна вернуцца да стандартных значэнняў. Аналітыкі адзначаюць, што крок можа быць звязаны з узмацненнем канкурэнцыі на рынку ШІ-асістэнтаў і нядаўнім ростам цікавасці да Claude на фоне галіновых канфліктаў вакол кантрактаў з дзяржаўнымі структурамі.
Рэлацыраваліся? Цяпер вы можаце каментаваць без верыфікацыі акаўнта.