Кампанія прадставіла Claude Fable 5 — першую агульнадаступную версію сваіх мадэляў класа Mythos. Раней такія магчымасці былі даступны толькі абмежаванаму колу партнёраў у межах закрытай праграмы Project Glasswing.
Кампанія прадставіла Claude Fable 5 — першую агульнадаступную версію сваіх мадэляў класа Mythos. Раней такія магчымасці былі даступны толькі абмежаванаму колу партнёраў у межах закрытай праграмы Project Glasswing.
Anthropic называе Fable 5 сваёй самай магутнай агульнадаступнай мадэллю для праграмавання, аналітычнай працы, задач з выявамі і працяглых агентных сцэнарыяў. У тэстах і водгуках ранніх кліентаў мадэль асабліва вылучаюць за здольнасць выконваць буйныя задачы без пастаяннага кантролю чалавека: міграцыі кодавых базаў, стварэнне прыкладанняў, працу з інтэрфейсамі, аналіз дакументаў, табліц і складаных бізнес-матэрыялаў.
Сярод прыкладаў Anthropic прыводзіць Stripe: кампанія заявіла, што Fable 5 за адзін дзень выканала міграцыю ў кодавай базе на Ruby аб’ёмам 50 мільёнаў радкоў — уручную такая праца заняла б у каманды больш за два месяцы. Hex паведаміла, што мадэль першай дасягнула выніку ў 90% на яе бенчмарку складаных аналітычных задач, а Base44 адзначыла моцныя магчымасці Fable 5 у стварэнні паўнавартасных прыкладанняў па адным запыце.
Fable 5 пабудавана на тым жа ўзроўні магчымасцей, што і Mythos, але атрымала дадатковыя абмежаванні. Калі карыстальнік задае запыт у высокарызыкоўных галінах — напрыклад, кібербяспекі, біялогіі, хіміі або дыстыляцыі мадэляў, — сістэма блакуе адказ Fable 5 і перанакіроўвае яго на больш абмежаваную Claude Opus 4.8.
Распрацоўшчыкі сцвярджаюць, што такія спрацоўванні будуць рэдкімі: паводле ранніх дадзеных, больш за 95% сесій Fable 5 цалкам праходзяць на самой мадэлі без перанакіравання на Opus 4.8. Перад запускам кампанія таксама правяла ўнутранае і вонкавае тэставанне на джэйлбрэйк-атакі. Паводле Anthropic, за больш чым 1000 гадзін праверак на ўразлівасці і спроб узлому даследчыкі не знайшлі універсальнага спосабу абыйсці абарону мадэлі.
Адначасова кампанія прадставіла Claude Mythos 5 — больш свабодную версію той жа мадэлі для ўжо адобраных карыстальнікаў. Яна прызначана для арганізацый, якім патрэбны пашыраныя магчымасці ў адчувальных галінах, напрыклад для кіберабароны, крытычнай інфраструктуры і асобных даследчых задач.
Fable 5 даступна праз Claude API і карпаратыўныя тарыфы Enterprise з аплатай паводле фактычнага выкарыстання. Падпісчыкі Pro, Max, Team і Enterprise з аплатай за месцы змогуць карыстацца мадэллю без даплаты да 22 чэрвеня. З 23 чэрвеня Anthropic часова прыбярэ Fable 5 з гэтых тарыфаў: для далейшага выкарыстання спатрэбяцца асобныя крэдыты. Кампанія абяцае вярнуць мадэль у падпіскі як мага хутчэй.
Цана Fable 5 і Mythos 5 складае $10 за 1 млн уваходных токенаў і $50 за 1 млн выходных токенаў. Гэта ўдвая даражэй за Claude Opus 4.8, што можа абмежаваць масавае выкарыстанне мадэлі на фоне ўзрастаючай увагі бізнесу да выдаткаў на штучны інтэлект.
Релоцировались? Теперь вы можете комментировать без верификации аккаунта.