Гандлёвае прадстаўніцтва ЗША (USTR) прапанавала ўвесці мыты ў памеры $1–3,5 мільёна на кітайскія караблі, што заходзяць у амерыканскія парты. Гэтыя меры скіраваны на аслабленне дамінавання Кітая ў суднабудаванні і лагістыцы. У галіне асцерагаюцца сур’ёзных негатыўных наступстваў для сусветнага гандлю.
Гандлёвае прадстаўніцтва ЗША (USTR) прапанавала ўвесці мыты ў памеры $1–3,5 мільёна на кітайскія караблі, што заходзяць у амерыканскія парты. Гэтыя меры скіраваны на аслабленне дамінавання Кітая ў суднабудаванні і лагістыцы. У галіне асцерагаюцца сур’ёзных негатыўных наступстваў для сусветнага гандлю.
Як піша Bloomberg, USTR напрыканцы лютага вылучыла прапанову аб увядзенні збораў з суднаў, пабудаваных у Кітаі. Сума мытаў можа вагацца ад $1 мільёна да $3,5 мільёна за карабель. Паводле ацэнак брокера Clarksons, у 2024 годзе 36,6 тысячы заходаў кітайскіх суднаў маглі б прынесці ЗША $52 мільярды.
Мэта ініцыятывы — аслабіць лідарства КНР у суднабудаванні і лагістыцы, што, на думку USTR, забяспечвае Кітаю «ўладу над коштамі і ланцугамі паставак», а таксама паступова аднавіць амерыканскую вытворчасць. Паводле дадзеных USTR, у 2025 годзе Кітай будзе вырабляць больш за 50% усіх кантэйнерных суднаў у свеце, у той час як у 1999 годзе гэты паказчык складаў усяго 5%, а доля ЗША сёння мізэрная — 0,01%.
У абмеркаванні ініцыятывы возьмуць удзел прадстаўнікі ўсяго ланцуга паставак: ад вытворцаў да грузаадпраўнікаў і суднабудаўнікоў. Многія з іх выказваюць занепакоенасць, што ўвядзенне мыт можа прынесці эканоміцы яшчэ больш негатыўных наступстваў, чым папярэдняя тарыфная палітыка прэзідэнта Дональда Трампа.
Чакаецца, што тавары амерыканскай вытворчасці падаражэюць, тарыфы на фрахт вырастуць, загрузка невялікіх рэгіянальных партоў знізіцца, а буйных — павялічыцца. Некаторыя кампаніі могуць пачаць будаваць маршруты праз Канаду і Мексіку, каб скараціць выдаткі. Пад пагрозай апынецца рэнтабельнасць малога бізнесу і працоўныя месцы.
У галіне падобныя меры называюць «апакаліпсісам» для гандлю і параўноўваюць іх з ударам «кувалдай». Перавозчыкі і аператары заяўляюць, што ахвотна набылі б або арандавалі амерыканскія караблі, аднак мясцовым верфям спатрэбяцца дзесяцігоддзі, каб павялічыць магутнасці і задаволіць попыт. Акрамя таго, у індустрыі не стае кваліфікаваных кадраў.
Паводле дадзеных Bloomberg, ЗША плануюць аказваць ціск на іншыя краіны, каб тыя падтрымалі новую палітыку, пагражаючы санкцыямі ў выпадку адмовы. У Кітайскай дзяржаўнай суднабудаўнічай карпарацыі лічаць такія меры парушэннем правілаў Сусветнай гандлёвай арганізацыі. Нягледзячы на тое, што мыты пакуль не ўведзеныя, некаторыя ўдзельнікі рынку ўжо пераглядаюць свае кантракты.
Рэлацыраваліся? Цяпер вы можаце каментаваць без верыфікацыі акаўнта.
Ну китайцы переистрируют корабли в дружестенной трампу Расии и будут плавать в США