Николай Чикишев 16 мая 2023, 19:02

Apple дадасць у АС функцыі «копіі» голасу і агучку паведамленняў падчас званкоў

Кампанія паказала функцыі, прызначаныя для людзей з парушэннямі зроку, слыху і кагнітыўных здольнасцей. Яны будуць даступныя пры канцы гэтага года.

Пакінуць каментарый

Apple дадасць у АС функцыі «копіі» голасу і агучку паведамленняў падчас званкоў

Кампанія паказала функцыі, прызначаныя для людзей з парушэннямі зроку, слыху і кагнітыўных здольнасцей. Яны будуць даступныя пры канцы гэтага года.

Функцыі дададуць у наступныя версіі iOS, iPadOS і macOS. На ўсіх прыладах Apple з’явіцца функцыя Live Speech. Карыстальнікі змогуць набіраць тэкст паведамлення падчас званка па FaceTime або асабістай размовы, а сістэма яго агучыць. Функцыя Personal Voice сінтэзуе маўленне на аснове голасу карыстальніка. Для стварэння копіі голасу трэба на працягу 15 хвілін зачытваць у мікрафон спецыяльныя падказкі. Функцыя працуе на аснове алгарытмаў машыннага навучання.

Спачатку функцыя будзе працаваць толькі з англійскай мовай на прыладах з працэсарамі Apple. Кампанія сцвярджае, што не збірае галасавых даных, вылічэнні ажыццяўляюцца толькі на прыладзе. На iPhone і iPad з’явіцца рэжым Assistive Access, у ім будуць даступныя толькі асноўныя функцыі: камера, паведамленні, званкі, фатаграфіі і музыка. Тэкст і іконкі праграм будуць павялічаныя. Інструмент «Лупа» будзе дапоўнены гукавымі падказкамі: з дапамогай камеры можна будзе распазнаваць невялікія тэкставыя абазначэнні.