Николай Чикишев 5 верасня 2023, 15:03

Apple і Microsoft спрабуюць часткова пазбегнуць кантролю ЕС па Законе аб лічбавых рынках

Кампаніі імкнуцца, каб сэрвісы iMessage і Bing не патрапілі пад дзеянне Закона аб лічбавых рынках (Digital Markets Act, DMA).

Пакінуць каментарый

Apple і Microsoft спрабуюць часткова пазбегнуць кантролю ЕС па Законе аб лічбавых рынках

Кампаніі імкнуцца, каб сэрвісы iMessage і Bing не патрапілі пад дзеянне Закона аб лічбавых рынках (Digital Markets Act, DMA).

Паводле даных The Verge, 6 верасня Еўрапейская камісія апублікуе спіс IT-кампаній, якія трапляюць пад дзеянне DMA. У спіс увойдуць буйныя кампаніі на аснове іх выручкі і колькасці карыстальнікаў. Яны будуць абавязаныя адпавядаць шэрагу правілаў у галіне ўзаемадзеяння і канкурэнцыі.

Вядома, што ў спісе ўжо значацца Apple, Microsoft, Amazon, Alphabet, Meta, ByteDance і Samsung. Еўракамісія мае вызначыць, якія менавіта часткі іх бізнэсу мусяць быць уключаныя. Пасля публікацыі дакумента ў кампаній будзе шэсць месяцаў да сакавіка 2024 года, каб адпавядаць правілам DMA.

Apple распрацоўвае метады, якія дазваляюць iOS працаваць з іншымі крамамі праграм, абыходзячы App Store для захавання DMA. Тым не менш кампанія лічыць, што iMessage не дасягае ўстаноўленага парога ў 45 мільёнаў актыўных карыстальнікаў на месяц і не мусіць узаемадзейнічаць з іншымі месенджарамі.

Microsoft, хутчэй за ўсё, не будзе аспрэчваць, што АС Windows трапляе пад дзеянне DMA. Аднак кампанія сцвярджае, што доля яе пошукавай сістэмы Bing на рынку пашукавікоў невялікая і можа зменшыцца, калі яна будзе даваць доступ да канкуруючых пошукавых сістэм.