Кампанія хоча спыніць анансаванне новых функцый за месяцы да іх гатоўнасці. Такое рашэнне стала адказам на няўдачы з запускам функцый, прэзентаваных на мінулых канферэнцыях, такіх як абноўленая Siri і наступнае пакаленне CarPlay.
Кампанія хоча спыніць анансаванне новых функцый за месяцы да іх гатоўнасці. Такое рашэнне стала адказам на няўдачы з запускам функцый, прэзентаваных на мінулых канферэнцыях, такіх як абноўленая Siri і наступнае пакаленне CarPlay.
На WWDC 2024 Apple прэзентавала разумную персаналізаваную версію Siri, але праз год яна так і не была выпушчана. Аналагічная сітуацыя здарылася з новай версіяй CarPlay, анансаванай яшчэ ў 2022 годзе, але запушчанай толькі нядаўна. Гэтыя затрымкі прымусілі кампанію перагледзець падыход да анонсаў, каб новыя функцыі дэманстраваліся толькі тады, калі яны гатовыя да хуткага запуску.
Паводле слоў журналіста Bloomberg Марка Гурмана, на будучай WWDC 2025, якая адбудзецца ў наступным месяцы, Apple надасць мінімум увагі абнаўленням Siri. Чакаецца толькі кароткі агляд ужо анансаваных функцый, а новыя магчымасці, верагодна, прэзентаваныя не будуць. «Значныя абнаўленні Siri, абяцаныя амаль год таму, наўрад ці будуць актыўна абмяркоўвацца, і іх выпуск яшчэ на некалькі месяцаў наперадзе», — адзначыў Гурман.
Apple таксама плануе аддзяліць брэнд Apple Intelligence ад Siri у сваёй маркетынгавай стратэгіі. Такое рашэнне звязана з рэпутацыйнымі праблемамі галасавога асістэнта, якія, на думку кампаніі, могуць ускладняць прасоўванне ШІ-функцый. Гурман падкрэслівае, што цікавасць Apple да ШІ з’явілася адносна позна — у 2022 годзе, калі ChatGPT рэзка набраў папулярнасць.
Віцэ-прэзідэнт па распрацоўцы праграмнага забеспячэння Крэйг Федэрыгі спачатку скептычна ставіўся да інвестыцый у гэтую тэхналогію, лічачы яе адцягваючай і не ключавой. «У свеце ШІ вы не ведаеце, якім будзе прадукт, пакуль не ўкладзеце сродкі. Apple уладкавана інакш: мы ствараем прадукт, загадзя ведаючы мэту», — працытаваў Гурман аднаго з кіраўнікоў кампаніі. Кіраўнік падраздзялення ШІ Джон Джанандрэа таксама сутыкаўся з цяжкасцямі, бо яго прапановы аб значных інвестыцыях часта не знаходзілі падтрымкі.
Нягледзячы на гэта, Apple працягвае развіваць ШІ-функцыі. Кампанія інтэгруе магчымасці Apple Intelligence у іншыя аплікацыі, уключаючы інструмент для аптымізацыі працы акумулятара і віртуальнага асістэнта па здароўі ў рамках праекта Project Mulberry. Для карыстальнікаў у ЕС рыхтуецца функцыя, якая дазволіць адмовіцца ад Siri на карысць старонніх галасавых асістэнтаў. Акрамя таго, Apple працуе над новай інфраструктурай для Siri на аснове вялікай моўнай мадэлі, каб выправіць ранейшыя тэхнічныя недахопы.
Рэлацыраваліся? Цяпер вы можаце каментаваць без верыфікацыі акаўнта.