Кампанія пачала выплату кампенсацый карыстальнікам шэрага мадэляў iPhone у рамках урэгулявання калектыўнага пазову. Карыстальнікі абвінавачвалі Apple у наўмысным запавольванні працэсараў старых мадэляў.
Кампанія пачала выплату кампенсацый карыстальнікам шэрага мадэляў iPhone у рамках урэгулявання калектыўнага пазову. Карыстальнікі абвінавачвалі Apple у наўмысным запавольванні працэсараў старых мадэляў.
Пазоў быў пададзены ў 2017 годзе пасля таго, як кампанія прызнала, што абмяжоўвае максімальную прадукцыйнасць некаторых мадэляў iPhone з «хімічна састаранымі» батарэямі з мэтай прадухілення раптоўнага выключэння смартфона. Функцыя была запушчаная з абнаўленнем iOS 10.2.1, хоць у заўвагах да яго не было напісана пра абмежаванне.
Apple адпрэчвала ўсе абвінавачванні ў юрыдычных парушэннях, аднак пагадзілася на міравую згоду для ўрэгулявання калектыўнага пазову, каб «пазбегнуць цяжкіх і дарагіх судовых разглядаў». Кампанія выплаціць ад $310 да $500 мільёнаў у залежнасці ад колькасці ўдзельнікаў калектыўнага пазову.
Права на кампенсацыю атрымалі жыхары ЗША, у якіх былі мадэлі iPhone 6, iPhone 6 Plus, iPhone 6s, iPhone 6s Plus і/або iPhone SE пад кіраваннем iOS 10.2.1 або больш позняй версіі і/або iPhone 7, або iPhone 7 Plus пад кіраваннем iOS 11.2 або больш позняй версіі да 21 снежня 2017 года. Кожны з іх можа разлічваць на кампенсацыю ў памеры $92,17.
Рэлацыраваліся? Цяпер вы можаце каментаваць без верыфікацыі акаўнта.