Кампанія анансавала два новыя працэсары для Mac — M6 і M5 Ultra. Апошні кампанія называе самым магутным чыпам, які яна калісь выпускала, і робіць стаўку перш за ўсё на лакальныя ШІ-задачы і цяжкія прафесійныя нагрузкі.
Кампанія анансавала два новыя працэсары для Mac — M6 і M5 Ultra. Апошні кампанія называе самым магутным чыпам, які яна калісь выпускала, і робіць стаўку перш за ўсё на лакальныя ШІ-задачы і цяжкія прафесійныя нагрузкі.
M5 Ultra аб’ядноўвае два M5 Max і стаў першым чыпам Apple з чатырма крышталямі. У максімальнай канфігурацыі ён атрымаў 36-ядравы CPU і 80-ядравы GPU, а прапускная здольнасць аб’яднанай памяці дасягае 1,2 ТБ/с — на 50% больш, чым у M3 Ultra.
Apple пазіцыянуе M5 Ultra для рэсурсаёмістых задач накшталт складанага 3D-рэндэрынгу, візуальных эфектаў і запуску буйных ШІ-мадэляў непасрэдна на Mac. Новы чып выкарыстоўваецца ў Mac Studio.
Другі працэсар, M6, разлічаны на больш масавыя прылады і стаў першым чыпам Apple, вырабленым па 2-нм тэхпрацэсе. Ён атрымаў 12-ядравы CPU, дадатковыя ядры CPU і GPU, падвойны 16-ядравы Neural Engine і павялічаную прапускную здольнасць памяці.
Паводле дадзеных вытворцы, пікавая вылічальная прадукцыйнасць GPU у ШІ-задачах у M6 амаль на 30% вышэй, чым у M5. Гэта, у прыватнасці, павінна паскорыць апрацоўку запытаў пры працы з лакальнымі моўнымі мадэлямі.
Распрацоўшчык асобна падкрэслівае магчымасць запускаць і дадаткова навучаць буйныя ШІ-мадэлі проста на Mac. Фірменныя інструменты Apple могуць размяркоўваць такія нагрузкі паміж CPU, GPU і Neural Engine, а распрацоўшчыкі змогуць выкарыстоўваць як Apple Foundation Models, так і ўласныя мадэлі.
M6 будуць выкарыстоўваць у новым Mac mini, цэны на які пачынаюцца ад $899. Продажы стартуюць пасля 22 верасня. M5 Ultra з’явіцца ў абноўленым Mac Studio.
Рэлацыраваліся? Цяпер вы можаце каментаваць без верыфікацыі акаўнта.