Кампанія прэзентавала другое пакаленне поўнапамерных навушнікаў AirPods Max. Новая мадэль атрымала палепшанае актыўнае шумападаўленне, функцыі на базе штучнага інтэлекту і падтрымку перакладу маўлення ў рэальным часе.
Кампанія прэзентавала другое пакаленне поўнапамерных навушнікаў AirPods Max. Новая мадэль атрымала палепшанае актыўнае шумападаўленне, функцыі на базе штучнага інтэлекту і падтрымку перакладу маўлення ў рэальным часе.
Галоўным тэхналагічным абнаўленнем стаў аўдыёчып H2, які забяспечвае больш прасунутую апрацоўку гуку і працу інтэлектуальных функцый. Паводле дадзеных кампаніі, сістэма актыўнага шумападаўлення ў AirPods Max 2 стала прыблізна ў 1,5 разы эфектыўнейшая ў параўнанні з першай версіяй навушнікаў, выпушчанай у 2020 годзе. Гэта дазваляе лепш гасіць шумы транспарту, гарадскога асяроддзя і офісных прастораў.
У новай мадэлі таксама з’явіліся функцыі Conversation Awareness і Voice Isolation. Першая аўтаматычна зніжае гучнасць прайгравання, калі побач з карыстальнікам пачынаюць гаварыць, а другая паляпшае якасць галасавых выклікаў, вылучаючы маўленне ўладальніка на фоне навакольнага шуму. Дадаткова рэалізавана сістэма Loud Sound Reduction, якая аўтаматычна змяншае рэзкія і патэнцыйна шкодныя гукі.
Адной з ключавых навінак стала функцыя Live Translation. Яна дазваляе перакладаць маўленне суразмоўцы на абраную мову ў рэжыме рэальнага часу. Пераклад працуе пры падлучэнні навушнікаў да iPhone з падтрымкай Apple Intelligence і актуальнай версіі iOS.
AirPods Max 2 таксама атрымалі паляпшанае прасторавае аўдыё і новы ўзмацняльнік з пашыраным дынамічным дыяпазонам, што павінна забяспечыць больш чыстае гучанне, дакладную лакалізацыю інструментаў і больш збалансаваныя нізкія і высокія частоты. Пры падлучэнні праз кабель USB-C падтрымліваецца прайграванне lossless-аўдыё з параметрамі 24-біт/48 кГц.
Сярод дадатковых магчымасцяў — кіраванне камерай iPhone або iPad з дапамогай лічбавай каронкі навушнікаў, персаналізаваная рэгуліроўка гучнасці і жэставае ўзаемадзеянне з Siri (напрыклад, ківок або пакачванне галавой для адказу). Час аўтаномнай працы застаўся на ўзроўні папярэдняга пакалення і складае да 20 гадзін праслухоўвання. Навушнікі будуць даступныя ў некалькіх колерах, уключаючы сіні, чорны, фіялетавы, бэжавы і аранжавы.
Кошт прылады ў ЗША складзе $549. Перадзамовы на AirPods Max 2 адкрыюцца 25 сакавіка, а пачатак продажаў чакаецца ў пачатку наступнага месяца больш чым у 30 краінах.
Рэлацыраваліся? Цяпер вы можаце каментаваць без верыфікацыі акаўнта.