Apple абрала найлепшыя праграмы і гульні 2022 года

У публікацыі Apple гаворыцца, што пераможцы трапілі ў спіс «за новы досвед працы з праграмамі, свежыя і прадуманыя рашэнні».

• Найлепшая праграма — BeReal. У сацсетцы неабходна штодня публікаваць фатаграфіі, зробленыя адначасова на франтальную і асноўную камеры.
• Найлепшая праграма для iPad — GoodNotes 5. Сэрвіс нататак з шырокім наборам інструментаў для працы з тэкстам, табліцамі, дыяграмамі і малюнкамі.
• Найлепшая праграма для Mac — MacFamilyTree 10. Сэрвіс для стварэння інтэрактыўнага генеалагічнага дрэва з доступам да папулярных баз, экспартам даных і стварэннем падрабязных справаздач.
• Найлепшая праграма для Apple TV — ViX. Гэта бясплатны іспанамоўны стрымінгавы сэрвіс з тысячамі гадзін фільмаў, серыялаў і тэлешоу. Для прагляду не патрабуецца рэгістрацыі.
• Найлепшая праграма для Apple Watch — Gentler Streak. Праграма для трэніровак і адпачынку, кантралюе працягласць і інтэнсіўнасць практыкаванняў, каб пазбягаць фізічных перагрузак, і вядзе журнал трэніровак.
• Найлепшыя гульні: Apex Legends Mobile (iPhone), Moncage (iPad), Inscryption (Mac), El Hijo (Apple TV), Wylde Flowers (Apple Arcade).

Таксама рэдактары App Store выбралі пяць праграм за іх «культурнае ўздзеянне».

• How We Feel — журнал настрою.
• Dot’s Home — гульня пра гісторыю адной сям'і і падарожжы ў часе.
• Locket Widget — паказвае фатаграфіі сяброў на галоўным экране.
• Waterllama — рэгулярныя напаміны пра неабходнасць піць ваду.
• Inua — гістарычная гульня з некалькімі эпохамі ва ўмовах канадскай поўначы.