Андрэя Карпатага раздражнялі клікбэйтныя вокладкі ды аднастайныя рэкамендацыі відэасервісу. Таму ён даручыў ШІ стварыць HackerTube — сайт з 6454 ролікамі, якія карыстальнікі Hacker News раілі адзін аднаму амаль 20 гадоў.
Андрэя Карпатага раздражнялі клікбэйтныя вокладкі ды аднастайныя рэкамендацыі відэасервісу. Таму ён даручыў ШІ стварыць HackerTube — сайт з 6454 ролікамі, якія карыстальнікі Hacker News раілі адзін аднаму амаль 20 гадоў.
Пра праект Карпаты расказаў у асабістым блогу. Паводле яго, у пятніцу вечарам ён адкрыў Youtube і ўбачыў «сцяну слопу»: перабольшаныя вокладкі, бясконцыя паўторы адных і тых жа тэм і нізкаякасны кантэнт.
На наступную раніцу ён папрасіў Claude Opus 5.5 сабраць альтэрнатыўную версію Youtube, у якой рэкамендацыі заснаваны не на алгарытмах платформы, а на спасылках з каментарыяў Hacker News.
ШІ загрузіў архіў абмеркаванняў за 2007–2026 гады і адабраў паведамленні з рэкамендацыямі відэа. Для дадатковай фільтрацыі спаму і нізкаякаснага кантэнту ён выкарыстаў мадэль Claude Sonnet.
У выніку засталося каля 40 тысяч каментарыяў, з якіх удалося сабраць каталог 6454 ролікаў у 150 тэмах. Усе яны даступныя на сайце HackerTube, аформленым у стылі Youtube.
Замест арыгінальных вокладак, якія аўтары ролікаў нярэдка робяць максімальна клікбэйтнымі, HackerTube паказвае кадр з сярэдзіны відэа. На сайце таксама ёсць раздзел персанальных рэкамендацый For You, але для яго выкарыстання не трэба рэгістрацыя: налады захоўваюцца лакальна ў браўзеры.
Сервіс падтрымлівае гарачыя клавішы і дазваляе спампаваць сабраныя дадзеныя, каб перадаць іх уласнаму ШІ-агенту і стварыць іншую версію каталога. Паводле Карпатага, на ўсю распрацоўку сышло каля двух гадзін. Ён выкарыстаў дэсктопны дадатак Claude Code для Mac з мадэллю Opus 5.5 і сярэднім узроўнем намаганняў.
Сам распрацоўшчык амаль не займаўся праграмаваннем. Уручную яму давялося стварыць API-ключ Google Cloud для атрымання інфармацыі пра ролікі, запусціць VPS-сервер і купіць дамен. Пасля гэтага ён перадаў Claude IP-адрас сервера і даручыў самастойна развярнуць сайт, наладзіць бяспеку і аптымізаваць код.
Карпаты сцвярджае, што цяпер практычна не піша і нават не чытае код, а таксама не запускае каманды ў тэрмінале. Замест гэтага ён ставіць задачы ШІ ды кантралюе вынік. Паводле яго, праекты, на якія раней сыходзілі тыдні і месяцы, цяпер можна ствараць за адну раніцу.
Релоцировались? Теперь вы можете комментировать без верификации аккаунта.