Студыя Avalanche Software зладзіла другую прэзентацыю гульні. На ПК, PlayStation 5 і Xbox Series X/S гульня будзе даступная 4 красавіка, на PlayStation 4, Xbox One і Nintendo Switch рэліз адбудзецца 25 ліпеня наступнага года.
Студыя Avalanche Software зладзіла другую прэзентацыю гульні. На ПК, PlayStation 5 і Xbox Series X/S гульня будзе даступная 4 красавіка, на PlayStation 4, Xbox One і Nintendo Switch рэліз адбудзецца 25 ліпеня наступнага года.
Распрацоўшчыкі паказалі адную з маштабных лакацый, якія гульцы могуць даследаваць. Геймеры змогуць свабодна лятаць на мятле і гіпагрыфе па ваколіцах Хогвартса. У гэтых лакацыях атрымаецца знайсці шматлікія падзеі, квэсты і сакрэты. У гульні не будзе абмежаванняў на перамяшчэнне — гульцы змогуць паляцець куды заўгодна. У адной з крамаў Хогвартса можна будзе выбраць лятаючую мятлу і палепшыць яе, напрыклад, павялічыць хуткасць палёту.
У часе праходжання гульні будуць змяняцца поры года. Стваральнікі гульні падкрэслілі, што дадалі змену сезонаў, каб гульцы маглі лепей адчуць сябе вучнямі Хогвартса. Таксама з’явіцца магчымасць выклікаць ездавую жывёлу ў закрытых лакацыях і перамяшчацца на ёй.
На прэзентацыі анансавалі баявую сістэму: персанаж зможа прымяняць розныя заклінанні, у тым ліку смяротны заклён Авада Кедаўра. Гэтае заклінанне забівае суперніка маментальна, аднак у яго доўгі час перазарадкі, таму ўвесь час выкарыстоўваць заклён не атрымаецца. З загінулых ворагаў будуць выпадаць сінія сферы, якія неабходна збіраць, каб прымяняць дадатковыя здольнасці. Іх наяўнасць станоўча ўплывае на агульную дынаміку бою, паколькі гульцу трэба заўсёды перамяшчацца.
У гульцоў Hogwarts Legacy будзе магчымасць браць з сабой на праходжанні місіі розныя прадметы і зеллі, у тым ліку звараныя ў вольны час. Акрамя таго, у гульні з’явіцца «выручай-пакой» — асабістая прастора кожнага вучня Хогвартса. Там будзе адразу некалькі памяшканняў для розных заняткаў, напрыклад, варэння зелля. «Выручай-пакоі» можна будзе наладжваць і персаналізаваць самастойна. Таксама ў геймераў будзе ўласны звярынец, дзе можна будзе заводзіць розных жывёл і даглядаць іх.
Рэлацыраваліся? Цяпер вы можаце каментаваць без верыфікацыі акаўнта.