Маладыя спецыялісты страчваюць пазіцыі ў прафесіях, уразлівых для ШІ — даследаванне
ШІ пакуль не прывёў да масавага скарачэння працоўных месцаў, але маладыя спецыялісты ў прафесіях, найбольш схільных да аўтаматызацыі, сутыкаюцца з цяжкасцямі. Асабліва заўважна гэта ў распрацоўцы ПЗ, офіснай працы і абслугоўванні кліентаў.
ШІ пакуль не прывёў да масавага скарачэння працоўных месцаў, але маладыя спецыялісты ў прафесіях, найбольш схільных да аўтаматызацыі, сутыкаюцца з цяжкасцямі. Асабліва заўважна гэта ў распрацоўцы ПЗ, офіснай працы і абслугоўванні кліентаў.
Да такой высновы прыйшоў аналітык Рэзервовага банка Аўстраліі Майк Мэйджар, які вывучыў змены на рынку працы пасля запуску ChatGPT у лістападзе 2022 года. Ён параўнаў дынаміку занятасці, беспрацоўя і вакансій у прафесіях з рознай ступенню патэнцыяльнага ўздзеяння ШІ.
Колькасць новых вакансій за гэты час скарацілася ва ўсіх прафесійных групах, але мацней за ўсё — там, дзе значную частку працоўных задач патэнцыяльна можна аўтаматызаваць. Найбольшы ўклад у зніжэнне попыту ўнеслі офісныя служачыя, праграмісты, ІТ-аналітыкі, супрацоўнікі кол-цэнтраў і адміністратары.
Асабліва заўважныя адрозненні выявіліся паміж узроставымі групамі. У прафесіях з найбольшым патэнцыяльным уздзеяннем ШІ занятасць маладых працаўнікоў ва ўзросце 15–24 гадоў знізілася ў параўнанні з канцом 2022 года, тады як сярод спецыялістаў 25–64 гадоў яна вырасла.
У моладзі ў гэтых прафесіях таксама мацней павялічылася беспрацоўе і скарацілася колькасць адпрацаваных гадзін. У менш схільных да ШІ прафесійных групах такога прыкметнага разрыву паміж пакаленнямі не назіралася.
Падобная карціна складваецца сярод выпускнікоў вышэйшых навучальных устаноапў. Узровень занятасці спецыялістаў з вышэйшай адукацыяй ва ўзросце 20–24 гадоў знізіўся прыкметней, чым у больш старэйшых выпускнікоў. Пры гэтым становішча маладых супрацоўнікаў у цэлым застаецца лепшым, чым да пандэміі.
ШІ піша 90% кода, сеньёраў не хапае, а джуноў амаль не наймаюць — парадокс адной ІТ-кампаніі
Аднак аўтар даследавання падкрэслівае, што гэтыя дадзеныя не даводзяць, быццам працоўныя месцы скарачаюцца менавіта праз ШІ. Аналіз улічвае патэнцыяльную магчымасць аўтаматызацыі задач, а не фактычнае выкарыстанне нейрасетак працадаўцамі. На вынікі маглі паўплываць эканамічны цыкл, змены ва ўдаленай працы і скарачэнне найму пасля пандэміі.
Больш за тое, даследаванне не выявіла ўстойлівых адрозненняў у верагоднасці знайсці працу або страціць яе паміж прафесійнымі групамі з рознай ступенню ўздзеяння ШІ. Агульная занятасць ва ўсіх такіх групах з канца 2022 года вырасла, хоць і рознымі тэмпамі.
Адначасова ШІ стварае новы попыт на спецыялістаў. Дадзеныя аўстралійскіх сервісаў SEEK і Indeed паказваюць хуткі рост долі вакансій, у якіх згадваюцца навыкі працы са штучным інтэлектам.
Падобныя тэндэнцыі раней выявілі даследчыкі Стэнфардскага ўніверсітэта ў ЗША. У працы 2025 года яны выявілі, што занятасць амерыканцаў ва ўзросце 22–25 гадоў у прафесіях, найбольш схільных да ўплыву ШІ, была на 13% ніжэйшай адносна менш схільных прафесій, чым у канцы 2022 года. Сярод маладых распрацоўшчыкаў адноснае зніжэнне набліжалася да 20%.
Релоцировались? Теперь вы можете комментировать без верификации аккаунта.