Сузаснавальнік OpenAI і аўтар паняцця «вайб-кодынг» Андрэй Карпаты выклаў на GitHub праграму LLM Council. У ёй некалькі вялікіх моўных мадэляў паралельна адказваюць на адно пытанне, параўноўваюць адказы адзін аднаго і фармулююць фінальны аптымальны адказ.
Сузаснавальнік OpenAI і аўтар паняцця «вайб-кодынг» Андрэй Карпаты выклаў на GitHub праграму LLM Council. У ёй некалькі вялікіх моўных мадэляў паралельна адказваюць на адно пытанне, параўноўваюць адказы адзін аднаго і фармулююць фінальны аптымальны адказ.
Інтэрфейс LLM Council падобны да ChatGPT — розніца ў тым, што адзін і той жа запыт накіроўваецца адразу некалькім мадэлям праз OpenRouter, а потым паміж імі адбываюцца дэбаты. Па змаўчанні ў «савет» уваходзяць GPT-5.1, Gemini 3 Pro Preview, Claude Sonnet 4.5 і Grok-4, але можна дадаць іншыя мадэлі.
Кожная мадэль — карыстальнік бачыць іх у асобных укладках — атрымлівае пытанне і дае свой варыянт адказу. Далей мадэлі атрымліваюць ананімныя адказы «калег» і ацэньваюць іх па дакладнасці і карыснасці. Мадэль, якую карыстальнік прызначыў «галоўнай», рэзюмуе думкі астатніх і выдае канчатковы адказ.
Карпаты кажа, што рабіў праект для сумеснага чытання кніг з мадэлямі і параўнання розных інтэрпрэтацый зместу — гэта дапамагае яму глыбей зразумець сутнасць. Але праграма дазваляе ў цэлым параўноўваць логіку мадэляў і назіраць, як яны прымаюць калектыўныя рашэнні.
Рэлацыраваліся? Цяпер вы можаце каментаваць без верыфікацыі акаўнта.