Беларусь апусцілася яшчэ крышачку ніжэй у Глабальным інавацыйным індэксе

Цяпер мы знаходзімся паміж Ямайкай і Панамай. У 2021 годзе Беларусь займала 62-е месца, а ў 2022-м — 77-е.

Аўтары індэксу параўноўваюць краіны па сямі параметрах: інстытуты, чалавечы капітал і даследаванні, інфраструктура, узровень развіцця рынку і бізнесу, а таксама вынікі ў галіне ведаў і тэхналогій і вынікі творчай дзейнасці.

Беларусь палепшыла пазіцыі паводле шэрагу кампанентаў індэксу: інстытуты (137 → 134), чалавечы капітал і даследаванні (39 → 38), узровень развіцця рынку (102 → 96) і ўзровень развіцця бізнесу (86 → 62). У астатніх стала горш: інфраструктура (85 → 90), вынікі ў галіне ведаў і тэхналогій (49 → 72) і вынікі творчай дзейнасці (94 → 102).

Таксама краіны па сваёй інавацыйнасці размяркоўваліся ў 12 групах у залежнасці ад узроўню даходаў (высокі, вышэй і ніжэй сярэдняга, нізкі) і ўзроўню інавацыйнасці (вышэй чаканага для свайго ўзроўню развіцця, адпаведна яму і «астатнія»). Беларусь стабільна трымаецца ў катэгорыі «астатніх» — гэта значыць тых, у каго інавацыйнасць ніжэй, чым магла б быць пры яе ўзроўні развіцця, — сярод краін з даходам вышэй сярэдняга.

У сваёй групе даходу Беларусь займае 28 месца. А ў рэгіянальным рэйтынгу — 39 месца.

Суседзі Беларусі размясціліся ў агульным заліку наступным чынам: Літва — 32 месца, Польшча — 39, Латвія — 40, Расія — 58, Украіна — 67.

Спіс ужо 16-ы раз узначальвае Швейцарыя. За ёй ідуць Швецыя і ЗША, і гэтая тройка не мяняецца з 2023 года. Далей — Паўднёвая Карэя і Сінгапур. Поўную версію даклада можна паглядзець па спасылцы.

Беларусь апусцілася яшчэ на пяць пазіцый у Глабальным інавацыйным індэксе

Па тэме

Беларусь апусцілася яшчэ на пяць пазіцый у Глабальным інавацыйным індэксе

Беларусь абрынулася на 11 пазіцый у топе краін для стартапаў. Але гэта яшчэ не дно

Па тэме

Беларусь абрынулася на 11 пазіцый у топе краін для стартапаў. Але гэта яшчэ не дно