Беларус купіў дзяўчыне кветкі за $3K — такія кошты за некалькі хвілін у роўмінгу

Мужчына распавядае, што шмат гадоў карыстаўся паслугай «Unlim за мяжой», якая прадугледжвае безлімітны інтэрнэт у сетках-партнёрах за мяжой без «непрадбачаных выдаткаў» акрамя кошту самой паслугі. Умовамі прадугледжана, што пры падключэнні да сеткі, якая не з’яўляецца партнёрскай, інтэрнэт аўтаматычна блакуецца. Аператар у спісе краін, дзе паслуга не дзейнічае, пазначыў Ганконг, Макао, Тайвань і Палестыну — тут дзейнічае базавая тарыфікацыя інтэрнэту.

Паводле слоў мужчыны, у яго быў транзітны рэйс у Дубаі. Яму трэба было зайсці ў сетку на некалькі хвілін, каб набыць кветкі. Пасля вяртання ён праверыў баланс і выявіў, што пайшоў у мінус на 10 тысяч рублёў.

У офісе МТС яму патлумачылі, што «Unlim за мяжой» у Дубаі не працуе, і таму прымяняюцца стандартныя (і вельмі высокія) тарыфы. Абанент падкрэслівае, што пры падлучэнні да непартнёрскай сеткі блакіроўкі доступу не адбылося, як і не было ніякай інфармацыі або папярэджання ў SMS-паведамленні, якое ён атрымаў па прыездзе ў Дубай. Пры гэтым у спісе краін, дзе паслуга ўсё ж такі прадстаўляецца, ААЭ сапраўды няма.

У выніку абанент напісаў заяву ў МТС з просьбай перагледзець суму і аплаціў пералічаны доўг у памеры 1500 рублёў.

Выданне таксама піша пра двух абанентаў А1 з даволі буйнымі «мінусамі» на рахунку. Адзін з іх у студзені накіроўваўся ў Індыю, падлучыўшы паслугу «Роўмінг Топ 1 ГБ» на тэрыторыі Расіі. Але па прылёце ў Індыю яму прыйшло паведамленне пра запазычанасць у 3451 рубель. Другі «зляцеў у Тайланд на зімоўку», дзе карыстаўся роўмінгам для навігатара і Telegram. Яму паступова налічвалі па 500–700 рублёў, пакуль не набралася 6600 рублёў. Аднак у падтрымцы пагадзіліся знізіць суму да 1300 рублёў.

Дарэчы, гэта яшчэ не так шмат у параўнанні з адным амерыканцам, які скарыстаўся паслугамі свайго аператара ў Еўропе на $143 тысячы. Яму, на шчасце, спісалі запазычанасць.

Аператары параілі перад паездкамі за мяжу знаёміцца з тарыфамі і правіламі аказання паслуг у роўмінгу, а таксама пераводзіць тэлефон у рэжым ручнога выбару сеткі і пасля перасячэння мяжы выбіраць партнёрскую сетку.

Амерыканец з’ездзіў у Еўропу і атрымаў рахунак на $143 тысячы за тэлефон

Па тэме

Амерыканец з’ездзіў у Еўропу і атрымаў рахунак на $143 тысячы за тэлефон

Беларусь хоча скасаваць роўмінг адразу з трыма краінамі

Па тэме

Беларусь хоча скасаваць роўмінг адразу з трыма краінамі