Беларус прадаваў цыбулю ў каробках ад iPhone
Віцебская пракуратура накіравала ў суд крымінальную справу ў дачыненні да 21-гадовага жыхара Віцебскага раёна: яго абвінавачваюць у махлярстве ў буйным памеры, учыненым паўторна.
Віцебская пракуратура накіравала ў суд крымінальную справу ў дачыненні да 21-гадовага жыхара Віцебскага раёна: яго абвінавачваюць у махлярстве ў буйным памеры, учыненым паўторна.
Паводле матэрыялаў справы, малады чалавек размяшчаў у інтэрнэце аб’явы аб продажы дарагой тэхнікі, у асноўным Iphone 16 Pro Max, значна танней за рынкавую цану.
Ён дамаўляўся з пакупнікамі праз перапіску і дасылаў пасылкі наяўным плацяжом. Але ўнутр адпраўленняў укладваў «розныя бюджэтныя прадметы, напрыклад, рэпчатую цыбулю», паведамляе Генпракуратура.
Для атрымання тэлефона пакупнікі аплачвалі на пошце кошт адпраўленняў, а «прадавец» атрымліваў наяўны плацеж і траціў грошы. Так абвінавачаны завалодаў грашыма 8 пацярпелых на агульную суму каля 13 тысяч рублёў.
Раней малады чалавек ужо прыцягваўся да крымінальнай адказнасці за аналагічнае злачынства. Зараз ён знаходзіцца пад вартай.
У Мінску затрымалі крыптаінвестара — падазраюць у падмане кліентаў на $2 млн
У Мінску затрымалі крыптаінвестара — падазраюць у падмане кліентаў на $2 млн
Рэлацыраваліся? Цяпер вы можаце каментаваць без верыфікацыі акаўнта.