Беларуская стаматалогія актыўна развіваецца ў некалькіх напрамках, уключаючы 3D-тэхналогіі і ШІ. Аб гэтым расказаў рэктар БДМУ Сяргей Рубніковіч на Міжнародным форуме стаматолагаў, які ў гэтыя дні праходзіць у Мінску.
Беларуская стаматалогія актыўна развіваецца ў некалькіх напрамках, уключаючы 3D-тэхналогіі і ШІ. Аб гэтым расказаў рэктар БДМУ Сяргей Рубніковіч на Міжнародным форуме стаматолагаў, які ў гэтыя дні праходзіць у Мінску.
Ён адзначыў, што ў Беларусі распрацоўваецца «асістэнт доктара-стаматолага». Праграма на базе ШІ дазволіць якасна і з эканоміяй часу і рэсурсаў дыягнаставаць стаматалагічныя захворванні па дадзеных прамянёвай кампутарнай тамаграфіі і клінічных дадзеных, а таксама вызначаць план лячэння.
Паводле слоў Рубніковіча, пры дыягностыцы часта застаюцца скрытыя поласці, якія дактарам складана ўбачыць неўзброеным вокам. «І вось гэты масіў лічбавых тэхналогій і штучны інтэлект якраз і дазволіць нам разабрацца і дапамагчы доктару-стаматолагу», — патлумачыў ён.
Але дадаў, што рашэнні за стаматолагаў ШІ прымаць не будзе — толькі дапаможа з аналізам лічбавых дадзеных. Тэрміны рэлізу асістэнта ён не ўдакладніў.
Рэлацыраваліся? Цяпер вы можаце каментаваць без верыфікацыі акаўнта.