Дзяржаўны мытны камітэт распрацоўвае дыстанцыйную рэгістрацыю аўто ў электроннай чарзе на межах. Пра гэта паведамляе БелТА са спасылкай на старшыню ведамства Уладзіміра Арлоўскага.
Дзяржаўны мытны камітэт распрацоўвае дыстанцыйную рэгістрацыю аўто ў электроннай чарзе на межах. Пра гэта паведамляе БелТА са спасылкай на старшыню ведамства Уладзіміра Арлоўскага.
«Мы разглядаем магчымасць стварэння яшчэ больш прагрэсіўнай сістэмы — аддаленая рэгістрацыя без заезду на пляцоўку. Зараз мы прапрацоўваем гэтую магчымасць з зацікаўленымі дзяржаўнымі органамі. Я спадзяюся, што такую сістэму мы пабудуем», — сказаў ён. А яшчэ паскардзіўся, што суседнія краіны нечакана зачыняюць мяжу.
Чыноўнік дадаў, што цяпер заканчваецца будаўніцтва дзвюх буйных пляцовак чакання пад Брэстам. Адна — для фур перад «Казловічамі» прыкладна на 800 машынамесцаў — будзе здадзена ў студзені 2026 года. Другую — перад пасажырскім пунктам пропуску «Варшаўскі мост» — плануецца здаць у гэтым снежні. «Гэта самае напружанае месца, дзе апошнія два месяцы чэргі дасягалі 8-10 дзён чакання», — адзначыў Арлоўскі.
Нагадаем, з 12 верасня Польшча цалкам зачыніла мяжу з Беларуссю з-за ваенных вучэнняў «Захад-2025». Яны завершацца 16 верасня, але калі менавіта мяжа будзе зноў адчынена, невядома. Польшча чакае, пакуль для яе не будзе ніякіх пагроз з боку Беларусі.
Рэлацыраваліся? Цяпер вы можаце каментаваць без верыфікацыі акаўнта.