Старшыня прэзідыума Нацыянальнай акадэміі навук Уладзімір Гусакоў абяцае, што беларускі электрамабіль масавай вытворчасці не мае быць вельмі дарагім. Такую заяву ён зрабіў у інтэрв’ю, якое выйшла 18 кастрычніка на тэлеканале «Беларусь 1».
Старшыня прэзідыума Нацыянальнай акадэміі навук Уладзімір Гусакоў абяцае, што беларускі электрамабіль масавай вытворчасці не мае быць вельмі дарагім. Такую заяву ён зрабіў у інтэрв’ю, якое выйшла 18 кастрычніка на тэлеканале «Беларусь 1».
Гусакоў адзначыў, што сабекошт электракара вельмі складана палічыць па адзінкавых асобніках. «Бо навуковая распрацоўка можа быць вельмі дарагой. Сабекошт зніжаецца, і цана вызначаецца тады, калі ўжо ёсць стэрыльная вытворчасць. Таму пры навуковых даследаваннях, у навуковай лабараторыі гэта можа быць… я тут нават баюся называць вам сумы, для таго каб гэта не вельмі палохала карыстальніка патэнцыйна», — растлумачыў ён.
Пры гэтым распрацоўшчыкі ставяць задачу, каб беларускі электрамабіль шырокага, масавага карыстання быў не вельмі дарагім. «Гэта мае быць не больш за 20-25 тысяч долараў. Гэта менавіта аўтамабіль масавага карыстання», — падзяліўся чаканнямі кіраўнік НАН.
Што тычыцца спартыўных электрамабіляў, працягнуў ён, то яны будуць даражэйшымі за кошт меншай масавасці. «Гэта, можа быць, толькі дзясяткі асобнікаў — яны будуць даражэйшымі. Але яны ў гэтай сувязі і больш эксклюзіўныя, больш насычаныя», — удакладніў Гусакоў.
У адказ на фінальнае пытанне журналіста пра тое, ці сапраўды існуе і ці ўбачыць свет беларускі электрамабіль, ён запэўніў: «Існуе. Ён будзе. Распрацаваная кампанентная база».
Нагадаем, свой першы спартыўны электрамабіль навукоўцы з НАН Беларусі паказалі на выставе Minsk ELECTRO-2022 у верасні.
Рэлацыраваліся? Цяпер вы можаце каментаваць без верыфікацыі акаўнта.
учитывая что там двигатель от бензопилы и сделан из фанеры и шурупов, нету ли тут огромной наценки посредников? Стоит КГК заняться и на 10 лет посредников посадить
мы уже давно не делаем петушков из г..на., нашим изобретениям аналогов нет