Беларусы ад пачатку года прадалі валюты на $1,5 млрд больш, чым купілі

За мінулы месяц, паводле даных Нацбанка, фізічныя асобы купілі наяўнай і безнаяўнай замежнай валюты ў аб’ёме 978,4 млн долараў. Па аб’ёме угод лістапад заняў другое месца сёлета. Больш валюты фізасобы сёлета купілі толькі ў ліпені (1 038,4 млн долараў).

А вось аб’ём угод па продажы валюты ўпаў. За лістапад насельніцтва прадало наяўнай і безнаяўнай валюты на 999,5 млн долараў. Гэта мінімальны аб’ём за апошнія 8 месяцаў. Сёлета толькі ў першым квартале фізасобы прадавалі менш валюты на працягу аднаго месяца.

Тым не менш фізасобы засталіся чыстым прадаўцом валюты ў лістападзе. Гэтая тэндэнцыя назіраецца ад лютага. 

Усяго ад пачатку года фізасобы купілі валюты больш чым на 10 млрд долараў, а прадалі на 11,5+ млрд долараў. Аб’ём чыстага продажу валюты перавысіў 1,5 млрд долараў.