Беларусы цяпер могуць разлічвацца крыптой на Wildberries
Wildberries укараняе новы спосаб аплаты ў Беларусі — крыптавалютамі, піша tochka.by.
Wildberries укараняе новы спосаб аплаты ў Беларусі — крыптавалютамі, піша tochka.by.
Функцыя даступная ў тэставым рэжыме на сайце і ў аплікацыі Wildberries абмежаванай групе пакупнікоў. Але ў кампаніі лічаць, што яна стане папулярнай у будучыні, асабліва ў тых, хто актыўна выкарыстоўвае сучасныя тэхналогіі.
Беларускія карыстальнікі Wildberries могуць аплаціць замову з дапамогай электроннага сертыфіката, набытага за кошт абмену крыпты. Гэтыя аперацыі будуць праводзіцца праз партнёра платформы — крыптабіржу Whitebird. Маркетплэйс атрымаў дазвол на іх у эксперыментальным рэжыме ад ПВТ.
Купіць сертыфікат можна загадзя або ў працэсе афармлення замовы. Для гэтага трэба выбраць аплату балансам, які прывязаны да электронных сертыфікатаў кліента, націснуць кнопку «папоўніць» і выбраць Whitebird. Далей адкрыецца старонка рэгістрацыі на крыптабіржы і пацверджання асобы. Затым трэба выбраць валюту і суму для абмену. Курс канвертацыі абнаўляецца ў рэальным часе, камісія за куплю сертыфіката не спаганяецца. Пасля пацверджання параметраў афармляецца сертыфікат Wildberries у беларускіх рублях, а грошы аўтаматычна залічваюцца на баланс кліента.
Калі аплата крыптой запрацуе для шырокай аўдыторыі, у кампаніі не ўдакладнілі.
ПВТ чакае перазагрузка, а Беларусь — крыптабанкі
ПВТ чакае перазагрузка, а Беларусь — крыптабанкі
Улады абмеркавалі з Wildberries прасоўванне беларускай прадукцыі
Улады абмеркавалі з Wildberries прасоўванне беларускай прадукцыі
«Яндэкс» хочуць прыцягнуць да лічбавізаціі беларускіх банкаў
«Яндэкс» хочуць прыцягнуць да лічбавізаціі беларускіх банкаў
Рэлацыраваліся? Цяпер вы можаце каментаваць без верыфікацыі акаўнта.