Новы праект для падтрымкі стартапаў — xmentor.pro — запусцілі беларусы Зміцер Калінін і Соня Драбычэўская. Платформа прапаноўвае бясплатныя (і платныя) кансультацыі з ментарамі (многія з іх практыкуючыя фаўндары і інвестары) і не толькі.
Зміцер Калінін расказвае, як працуе платформа і каму яна патрэбная.
Новы праект для падтрымкі стартапаў — xmentor.pro — запусцілі беларусы Зміцер Калінін і Соня Драбычэўская. Платформа прапаноўвае бясплатныя (і платныя) кансультацыі з ментарамі (многія з іх практыкуючыя фаўндары і інвестары) і не толькі.
Зміцер Калінін расказвае, як працуе платформа і каму яна патрэбная.
Зміцер Калінін — ментар, VC&стартап-эдвайзер, кандыдат эканамічных навук. Вопыт кіравання інвестыцыйнымі фондамі (2016–2019 гг.):
— LP & GP, сябра інвесткамітэта венчурнага фонду RBF ventures;
— дырэктар Беларускага інавацыйнага фонду.
У цяперашні час:
— прэзідэнт і кіраўнік праўлення Фонду развіцця інавацыйнага прадпрымальніцтва WeStart Fund;
— заснавальнік інвестыцыйна-кансалтынгавага буціка Kalinin Agency;
— Community Leader фандрайзінг-супольнасці стартапаў, інвестараў і экспертаў у Польшчы і ЕС WeStartT Community.
Соня Драбычэўская — экспертка па стартап-фандрайзінгу, ментарка, экспертка па грантавым фінансаванні.
5+ гадоў вопыту ў стартап-экасістэме ЕС, уключаючы Startup Hub Poland і Vestbee.
У цяперашні час:
— кіраўніца Grants Team WeStart Consulting;
— сузаснавальніца Фонду развіцця інавацыйнага прадпрымальніцтва WeStart Fund;
— сузаснавальніца фандрайзінг-супольнасці стартапаў, інвестараў і экспертаў у Польшчы і ЕС WeStart.
— У верасні 2022 года ў Польшчы мы запусцілі стартап-фандрайзінг-супольнасць WeStart. Цяпер у ёй каля 800 удзельнікаў, у тым ліку беларускія заснавальнікі стартапаў, інвестары і эксперты. За гэты час мы правялі 600+ кансультацый і персанальных ментар-сесій для беларускіх фаўндараў, дапамаглі прыцягнуць ім 2+ млн еўра венчурнага і грантавага фінансавання. Такое шчыльнае ўзаемадзеянне дазваляе нам адчуваць актуальныя праблемы беларускіх стартапаў.
Так, мы прааналізавалі 200 беларускіх стартапаў і выявілі, што не менш за 70% з іх знаходзяцца на звышранніх стадыях ідэі і preseed. Іх асноўная праблема — недахоп рэсурсаў для развіцця і вопыту для прыцягнення сродкаў.
Стартапы, якія засталіся ў Беларусі, выявіліся ізаляванымі ад вопытных заснавальнікаў, экспертаў і інвестараў. Раней тыя выступалі ў якасці ментараў, але цяпер жывуць за мяжой.
Тыя ж стартапы, якія з’ехалі, сутыкаюцца з цяжкасцямі ў незнаёмым бізнэс-асяроддзі. Яны часцяком не разумеюць спецыфікі і магчымасцяў мясцовых стартап-экасістэм, як там шукаць грошы і запускаць стартапы. Адсутнасць адкрытага доступу да экспертаў пагаршаецца разарванымі гарызантальнымі сувязямі з мінулымі партнёрамі, культурнымі і моўнымі бар’ерамі і слаба развітой інфраструктурай і культурай ментарства сярод беларускіх экспертаў.
Пры гэтым беларускія ментары значна карыснейшыя і каштоўнейшыя беларускім фаўндарам, чым, скажам, амерыканскія або многія еўрапейскія эксперты. Землякі лепш разумеюць праблемы адно аднаго і часцей могуць даць карысныя парады.
Менавіта таму мы вырашылі запусціць спецыяльную ментарскую платформу, якая аб’яднае найбольш прыкметных прадстаўнікоў беларускай стартап- і венчурнай экасістэм ва ўсім свеце — паспяховых фаўндараў, рэальных інвестараў і вопытных экспертаў.
Мэта — зрабіць для беларускіх інаватараў і стартапаў кваліфікаваную ментарскую падтрымку даступнай, незалежна ад таго, у якім пункце свету яны знаходзяцца.
xmentor.pro — свайго роду маркетплэйс ментараў, дзе стартап з дапамогай фільтраў можа выбраць сабе максімальна рэлевантнага эксперта.
Згодна з базавай бізнэс-мадэллю, кожны ментар сам устанаўлівае кошт гадзіны размовы — арыенціровачна ад 50 да 500 еўра за гадзінную ментар-сесію.
Некаторыя ментары вырашылі накіраваць заробленыя грошы на дабрачынныя мэты і развіццё экасістэмных праектаў.
2 кастрычніка гэтага года на базе платформы xmentor.pro мы запусцілі сумесную праграму WeStart і ЕБРР па бясплатнай ментарскай падтрымцы беларускіх стартапаў за мяжой.
Паводле патрабаванняў ЕБРР, узяць удзел у бясплатнай праграме могуць стартапы з беларускімі каранямі, якія базуюцца за мяжой (у краінах аперавання ЕБРР). Сукупна ў рамках праграмы прадугледжана 80 гадзін бясплатных ментар-сесій. Пасля вычарпання ліміту праграма завершыцца і да наступнай праграмы застанецца магчымасць толькі платных ментар-сесій.
Стартапы, якія зарэгістраваліся на платформе і прайшлі верыфікацыю на адпаведнасць крытэрам, могуць выбраць сабе любога ментара на платформе і атрымаць да 3-х бясплатных ментар-сесій па найбольш папулярных і запатрабаваных запытах.
Цяпер на платформе больш за 20 ментараў з экспертызай у 60+ кампетэнцыях і ў больш як 25 лакацыях.
— Аляксандр Мацвеенка — тэхналагічны прадпрымальнік, заснавальнік і CEO Rainbow.ai;
— Канстанцін Запалянскі — Venture & Private Equity інвестар, старшы інвестыцыйны дырэктар Zubr Capital;
— Яўген Корань — бізнэс-анёл, заснавальнік венчурнага фонду Kolas VC, кафаўндар Goodville;
— Наталля Драгальчук — экспертка па B2B продажах, сузаснавальніца і CEO Elatra;
— Кірыл Голуб — бізнэс-анёл, старшыня праўлення LatBAN, кафаўндар LitBAN і Angels Band;
— Кірыл Валошын — бізнэс-анёл, ментар, кафаўндар hoster.by, CEO AngelsBand;
— Юрый Шлаганаў — кіраўнік аддзела скаўтынгу і аналітыкі ultra.vc
— Кацярына Ерахавец — экспертка-юрыстка па інтэлектуальнай уласнасці, сукіраўніца Revera Polska.
І іншыя.
На платформе можна зарэзерваваць ментар-сесію, напрыклад, з прадстаўнікамі фондаў Zubr Capital і Kolas VC, акселератараў ULTRA VC і Bridgio, фаўндарамі такіх яркіх стартапаў з беларускімі каранямі, як Rainbow.ai, Soula і Elatra, бізнэс-анёламі Кірылам Голубам і Кірылам Валошыным, вядучымі юрыстамі і фінансістамі па 20 найбольш папулярных запытах.
Кожны з ментараў у рамках праграмы можа правесці не больш за 10 бясплатных сесій. Таму, калі ёсць цікавасць да экспертызы канкрэтнага ментара, раім паспяшацца, пакуль яго слоты яшчэ даступныя.
На платформе ўжо зарэгістраваліся 40 беларускіх стартапаў, большая частка з іх верыфікаваная. Ужо праведзеныя 25 сесій. Для нас стала нечаканым, што найбольшая колькасць запытаў ад стартапаў — гэта пытанні маркетынгавай стратэгіі і піяру. На другім месцы — прыцягненне грантаў і інвестыцый.
Большасць падобных ініцыятыў працуе ў групавым фармаце: ментары дзеляцца экспертызай перад групай слухачоў. У сувязі з рознасцю аўдыторыі часта ментары расказваюць нейкія базавыя і ўніверсальныя тэмы. У xmentor.pro ментары працуюць па індывідуальных запытах.
А яшчэ звычайна такія ініцыятывы запускаюцца выключна з апорай на донарскія рэсурсы. Па завяршэнні донарскай падтрымкі згортваюцца і ментарскія праграмы.
Мы ж для «антыломкасці» закладваем у нашую ініцыятыву камерцыйную бізнэс-мадэль.
А падтрымка ж з боку спонсараў і партнёраў для нас хутчэй магчымасць паскарэння і маштабавання.
Рэлацыраваліся? Цяпер вы можаце каментаваць без верыфікацыі акаўнта.
Ну вот на первой же фотке виден уровень профессионализма:
1 Людей посадили так, что им в лицо бьёт луч проектора
2 Людей посадили не так, как они отражены на слайде
3 И вообще на слайде 3 мужчины и 2 девушки, а на сцене наоборот
Я уже не говорю про нейминг со стоп словами внутри. Как я могу вам доверить ся?
Кто хочет - ищет возможности. Кто не хочет - оправдания!
Вам предоставляется возможность обсудить свой проект с одними из самых ярких представителей экосистемы (если он у вас конечно есть). Вы в их профессионализме усомнились из-за фото живого ивента, где все гибко… по-настоящему, а не стирильно как на партсобрании? Или вас так смущает буква X в названии? Жаль Илон Маск об этом вовремя не узнал))) Тоже ещё тот профи)
Опыта нет. Есть кофейня. И проблема: пьют кофе и сидят с ноутбуками. Целый день!
Дай Бог всем такие проблемы! Вы счастливый человек)
очередное непонятно что, непонятно за чьи день и ит.д.
Не говорите так, вы совсем их не знаете!
Так вы статью прочитайте!) на ваши вопросы там заранее даны четкие ответы: и что это и даже за чьи деньги. Она для этого собственно и была открыто опубликована. Чтобы все было понятно и прозрачно
на заборе тоже много чего написано, но это не значит что собака - злая