Николай Чикишев 26 лютага 2024, 12:24

Безас, Nvidia і Microsoft уклаліся ў стварэнне робатаў-гуманоідаў

Стартап ужо прыцягнуў $675 мільёнаў інвестыцый з папярэдняй ацэнкай у $2 мільярды. Робаты могуць дапамагчы ў галінах, дзе існуе недахоп працоўнай сілы.

2 каментарыя

Безас, Nvidia і Microsoft уклаліся ў стварэнне робатаў-гуманоідаў

Стартап ужо прыцягнуў $675 мільёнаў інвестыцый з папярэдняй ацэнкай у $2 мільярды. Робаты могуць дапамагчы ў галінах, дзе існуе недахоп працоўнай сілы.

Кампанія распрацоўвае робата-гуманоіда Figure 01, ён зможа выконваць небяспечныя працы замест чалавека і выкарыстоўвацца ў галінах, дзе існуе недахоп працоўнай сілы. Стартапам зацікавіліся буйныя інвестары: кампанія Джэфа Безаса Explore Investments уклала $100 мільёнаў, Microsoft інвеставала $95 мільёнаў, Nvidia і фонд Amazon — па $50 мільёнаў.

Таксама ў раўндзе інвестыцый удзельнічалі Intel ($25 мільёнаў), LG ($8,5 мільёнаў), Samsung ($5 мільёнаў), венчурныя кампаніі Parkway Venture Capital ($100 мільёнаў) і Align Ventures ($90 мільёнаў). Самымі першымі інвестарамі былі OpenAI і Microsoft, іх падтрымка дапамагла прыцягнуць іншых інвестараў. Робататэхніка прыцягвае ўсё больш цікавасці: напрыклад, Amazon падтрымала кампанію Agility Robotics, якая выпрабоўвае робатаў на адным са складоў рэтэйлера.