Сёння Amazon каштуе больш за $2,4 млрд, а яе заснавальнік Джэф Безас — адзін з самых багатых людзей на планеце. У 1995-м кампанія толькі пачыналася, і самым складаным за ўвесь гэты час для прадпрымальніка было прыцягнуць першы мільён даляраў пасяўнога капіталу і мірыцца з адмовамі, якіх было большасць. Пра гэта ён казаў у адным са сваіх інтэрв’ю.
Сёння Amazon каштуе больш за $2,4 млрд, а яе заснавальнік Джэф Безас — адзін з самых багатых людзей на планеце. У 1995-м кампанія толькі пачыналася, і самым складаным за ўвесь гэты час для прадпрымальніка было прыцягнуць першы мільён даляраў пасяўнога капіталу і мірыцца з адмовамі, якіх было большасць. Пра гэта ён казаў у адным са сваіх інтэрв’ю.
«Давялося правесці 60 сустрэч. Гэта было самае складанае, што я калі-небудзь рабіў», — распавядаў Безас у інтэрв’ю Эндру Росу Соркіну пра спробы пераканаць інвестараў.
Фаўндар прапаноўваў ім 20% Amazon пры ацэнцы ў $5 млн. У выніку ўдалося здабыць каля 20 інвестараў, кожны з якіх уклаў прыкладна $50 тысяч. З тых 60 сустрэч 40 інвестараў адмовіліся, і гэтыя 40 «не» «ранілі асабліва моцна», таму што кожная сустрэча патрабавала вялікіх намаганняў, а часам іх даводзілася праводзіць па некалькі разоў.
Складана было пераканаць інвестараў у тым, што ідэя прадаваць кнігі праз інтэрнэт мае шанец на поспех. «Першае пытанне было: „Што такое інтэрнэт?“», — успамінае Безас. Вельмі нямногія інвестары чулі пра Сусветную павуціну, не кажучы ўжо пра тое, каб разумець яе патэнцыял.
Безас лічыць прычынай многіх адмоў сваю шчырасць: «Я заўсёды казаў людзям, што з верагоднасцю 70% яны страцяць свае грошы. Азіраючыся назад, думаю, гэта было крыху наіўна. Але таксама думаю, што гэта была праўда. І што я нават пераацэньваў свае шанцы».
Рэлацыраваліся? Цяпер вы можаце каментаваць без верыфікацыі акаўнта.