Прэзідэнт ЗША Дональд Трамп абвясціў пра ўвядзенне тарыфаў да 25% на тавары, імпартаваныя з Канады, Кітая і Мексікі, але буйныя тэхналагічныя кампаніі, на якія гэтыя тарыфы могуць значна паўплываць, ніяк не пракаментавалі сітуацыі.
Прэзідэнт ЗША Дональд Трамп абвясціў пра ўвядзенне тарыфаў да 25% на тавары, імпартаваныя з Канады, Кітая і Мексікі, але буйныя тэхналагічныя кампаніі, на якія гэтыя тарыфы могуць значна паўплываць, ніяк не пракаментавалі сітуацыі.
Пасля абвесткі пра ўвядзенне тарыфаў многія тэхналагічныя кампаніі адмовіліся каментаваць пастанову Трампа. Сярод іх — Apple, Meta, Nintendo, Samsung, Sony і Nvidia. Замест іх выступілі галіновыя арганізацыі.
Джэйсан Оксман, прэзідэнт і генеральны дырэктар Рады індустрыі інфармацыйных тэхналогій, заклікаў адміністрацыю Трампа «імкнуцца да выразных, канструктыўных вынікаў у перамовах з замежнымі ўрадамі, пазбягаць гандлёвых абмежаванняў і паслаблення эканамічных сувязяў у Паўночнай Амерыцы і скасаваць тарыфы па дасягненні вынікаў».
Entertainment Software Association (ESA) заявіла, што «тарыфы на гульнявыя прылады і спадарожныя тавары адаб’юцца на амерыканцах усіх узростаў ва ўсёй краіне», і заклікала адміністрацыю Трампа «пракансультавацца з прыватным сектарам у рамках празрыстага працэсу, каб пазбегнуць значнага ўрону для звычайных амерыканцаў».
Дадатковыя 10%-я тарыфы Трампа на тавары, вырабленыя ў Кітаі, уступаюць у сілу 4 лютага, што ставіць пад пагрозу цэны на электроніку, ад ПК да смартфонаў. Трамп таксама разглядае ўвядзенне дадатковых тарыфаў на чыпы і звязаныя з імі тавары, што можа ўзмацніць ціск на тэхналагічную індустрыю.
Аналітык KeyBanc Capital Markets Джон Він заявіў, што «па меры росту цэн, верагодна, адбудзецца негатыўны ўплыў на канчатковы попыт, што ў выніку паўплывае на ўсе кампаніі, якія вырабляюць чыпы». Акцыі кампаній, такіх як Nvidia, AMD і Intel, знізіліся пры канцы дня ў панядзелак, 3 лютага.
Apple можа стаць найбольш уразлівай кампаніяй, паколькі вялікая вытворчая база карпарацыі знаходзіцца ў Кітаі. Рашэнне Трампа азначае, што 10%-я тарыфы распаўсюджваюцца на ўсе сабраныя ў Кітаі гаджаты, ад iPhone і iPad да MacBook Pro. Напрыклад, iPhone 16 Pro, які каштуе $999, можа падаражэць на $99, а MacBook Pro коштам $1599 можа вырасці ў цане на $159.
Рэлацыраваліся? Цяпер вы можаце каментаваць без верыфікацыі акаўнта.