Улады Бірмінгема — найбуйнейшага муніцыпалітэта ў Еўропе — гатовыя адмовіцца ад ERP- і HR-сістэм Oracle, піша The Register. Спроба іх укаранення прывяла да тэхнічных збояў, а бюджэт праекта ўзляцеў з £20 млн ($25 млн) да £131 млн ($166 млн), давёўшы горад да банкруцтва.
Улады Бірмінгема — найбуйнейшага муніцыпалітэта ў Еўропе — гатовыя адмовіцца ад ERP- і HR-сістэм Oracle, піша The Register. Спроба іх укаранення прывяла да тэхнічных збояў, а бюджэт праекта ўзляцеў з £20 млн ($25 млн) да £131 млн ($166 млн), давёўшы горад да банкруцтва.
Цяпер гарадская рада вырашае, ці замяніць існую, моцна перайначаную сістэму Oracle на варыянт «са скрынкі», ці знайсці іншага пастаўшчыка. Там заклікаюць спыніць раскідванне грашыма, асабліва з улікам намеру скараціць бюджэт на £300 млн.
Пакуль у радзе збіраюцца ўжыць новую версію софту Oracle «са скрынкі». Ранейшы варыянт для фінансаў, HR, закупак, паставак і выплат супрацоўнікам запрацаваў у красавіку 2022 года і выклікаў масу тэхнічных праблем у чыноўнікаў, а таксама імклівы рост выдаткаў на сістэму.
Згодна са свежымі бюджэтнымі дакументамі, рада вылучыла £45 млн ($57 млн) на выпраўленне ранейшых памылак і недапрацовак у дадатак да ўжо выдзеленых £86 млн ($108 млн). Раней чакалася, што на праект, які першапачаткова ацэньваўся ў £20 млн, у выніку сыдзе парадку £100 млн ($127 млн). Але на апошнім сходзе камітэта па аўдыце было заяўлена, што адказная за ацэнку каманда не ў стане вызначыць, у колькі грошай і часу абыдзецца ўкараненне рашэнняў Oracle нанова.
Прадстаўнікі рады заяўляюць, што сістэма бухуліку «пайшла пад адхон» і практычна бескарысная. Акрамя таго, кансультанты атрымліваюць больш за £1 тысячу на дзень і незразумела, калі будзе ўкаранёны новы варыянт. На фоне вялізных выдаткаў на сістэму Oracle у наступныя два гады муніцыпалітэт падыме падаткі на 21%, каб скараціць бюджэтны дэфіцыт. Дзеля гэтага ўлады гатовыя пайсці на адчайныя меры, у тым ліку прыглушыць асвятленне вуліц і скараціць збор смецця. Таксама верагоднае звальненне да 600 чалавек.
Рэлацыраваліся? Цяпер вы можаце каментаваць без верыфікацыі акаўнта.