Аддзел навін 25 кастрычніка 2022, 17:17

Біткойн унеслі ў Кнігу рэкордаў Гінэса

У абноўленай версіі Кнігі рэкордаў Гінэса з’явілася новая катэгорыя Cryptomania, у якую трапілі розныя крыптаз’явы, такія як біткойн і неўзаемазамяняльныя токены, паведамляе Cointelegraph.

Пакінуць каментарый

У абноўленай версіі Кнігі рэкордаў Гінэса з’явілася новая катэгорыя Cryptomania, у якую трапілі розныя крыптаз’явы, такія як біткойн і неўзаемазамяняльныя токены, паведамляе Cointelegraph.

Біткойн увайшоў у кнігу як найбуйнейшая ў свеце крыптавалюта паводле рынкавай капіталізацыі. Цяпер яна ледзь-ледзь перавышае $370 млрд, а яшчэ ў сакавіку складала больш за $816 млрд. Таксама біткойн уганараваўся месца ў Кнізе як першая дэцэнтралізаваная крыптавалюта — ён быў запушчаны на пачатку 2009 года.

Таксама рэдакцыя адзначыла калекцыю NTF-мартышак CryptoPunks. Малпа пад нумарам #5822 увайшла ў кнігу як самы дарагі NFT-прадмет калекцыянавання — у гэтым лютым энтузіяст выклаў за яе $23,7 млн.

Сальвадор атрымаў месца ў Кнізе рэкордаў як першая ў свеце краіна, якая надала біткойну статус плацежнага сродку нароўні з традыцыйнымі грашыма — гэта адбылося ў чэрвені 2021 года.